A XUNTA SUBVENCIONA A CONTRATACIÓN DE PRETO DE 100 SOCORRISTAS PARA VELAR POLA SEGURIDADE DOS USUARIOS EN PRAIAS E PISCINAS DA PROVINCIA
A delegada territorial, Raquel Arias, informou de que se investirá nesta materia preto de 338.000 euros, correspondendo o 75% aos concellos da Mariña
Incidiu na “achega fundamental” que realiza a Consellería de Traballo e Benestar a través dos programas de cooperación “para que os municipios poidan manter servizos indispensables como este”
Con respecto ao 2011 increméntase nun 15% o número de efectivos que se subvencionan na provincia, xa que A Mariña mantense en cifras similares pero téñense en conta as necesidades de concellos do interior para atender as piscinas
Lugo, 27 de xuño de 2012.- A Consellería de Traballo e Benestar subvencionará este ano a contratación de 109 socorristas para vixiar as praias e piscinas da provincia, o que supón un investimento de 337.906 euros. Así o comunicou hoxe a delegada territorial da Xunta, Raquel Arias, quen incidiu en que o 75% do investimento corresponde aos concellos da Mariña.
Arias informou de que a Consellería de Traballo e Benestar ven de notificar aos concellos as subvencións para as contratacións dos socorristas, ao abeiro dos Programas de Cooperación. Ao respecto, subliñou a “achega fundamental” que a Xunta realiza a través destes programas “para que os municipios poidan manter servizos indispensables como este ou como os grupos municipais de intervención rápida, entre outros”. Así mesmo, estas contratacións poden complementarse por parte dos distintos entes coa incorporación de profesionais deste ámbito a través doutras vías.
Con respecto ao pasado exercicio increméntase nun 15% o número de socorristas que se subvencionan na provincia, xa que A Mariña mantense en cifras similares pero téñense en conta as necesidades doutros concellos do interior para atender as piscinas.
Así, os areais mariñaos terán en total 85 socorristas subvencionados pola Xunta de Galicia durante dous meses, o que significa un custo de 255.755 euros. Outros concellos que contarán con socorristas sufragados pola Consellería de Traballo e Benestar serán os de Antas de Ulla, Cospeito, Lugo, Meira, Monterroso, As Nogais, Outeiro de Rei, Paradela, O Saviñao, Sober e Taboada.
A delegada territorial destacou a importancia de “axudar aos concellos a soster os servizos básicos nun momento no que as administracións deben ordenar os gastos e priorizar aqueles investimentos de maior rendibilidade social”.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
