RIBADEO ACOLLERÁ DO 29 AO 31 DE AGOSTO O I FÓRUM DE INNOVACIÓN E FORMACIÓN
DE VEHÍCULOS, QUE ORGANIZA A ASOCIACIÓN DE PROFESORES DE AUTOMOCIÓN DE
GALICIA. O PROGRAMA INCLÚE CONFERENCIAS, OBRADOIROS E TAMÉN UNHA FEIRA DE
COCHES USADOS.
Ribadeo, 5 de xullo de 2012. Ribadeo acollerá do 29 ao 31 de agosto o I Fórum de
Innovación e Formación de Vehículos, que organiza a Asociación de Profesores de
Automoción de Galicia (A.P.A.G.A). Xa hai máis de 60 inscritos para participar neste evento.
O presidente de A.P.A.G.A, Álvaro Doural, sinalou que “a idea de organizar este I Fórum é
froito da experiencia doutras actividades realizadas outros anos. E o obxectivo pasa por
aglutinar ao profesorado de Galicia e de comunidades limítrofes ou cercanas e por implicar
ao sector dos concesionarios de automóviles locais e a todas aquelas persoas interesadas na
formación e en participar nesta actividade”.
O I Fórum de Innovación e Formación de Vehículos terá lugar do 29 ao 31 de agosto,
“haberá conferencias sobre temas diversos, principalmente centrados nas novidades do
automóvil: os híbridos e vehículos eléctricos. Tamén teremos obradoiros prácticos sobre
soldadura, climatización, diagnosis de vehículos híbridos, etc. E haberá presentacións de
coches das distintas marcas, algúns recén sacados á venda”. A.P.A.G.A está a organizar como
acción complementaria unha feria de coches de segunda man en colaboración cos
concesionarios de coches da zona, que se celebrará os días 1 e 2 de setembro, “a fin de
semana que coincide pegada ao Fórum”.
Álvaro Doural asegurou que “xa hai máis de 60 inscritos para participar neste I Fórum.
Estamos un pouco limitados polo espazo, pero quedan unhas 20 prazas libres, máis ou
menos. Imos facer todo nas instalacións e nos xardíns do hotel O Cabazo de Ribadeo. Os
interesados poden obter máis información sobre a inscrición e sobre o programa na páxina
web www.apaga.es”.
O presidente da Asociación de Profesores de Automoción de Galicia dixo que “é bastante
complexo organizar un evento destas características, pero é unha grande satisfacción que
entidades tanto públicas como privadas nos apoien e que fixesen a súa aportación
económica, porque sin a súa axuda sería moi difícil poder celebrar este I Fórum. De todos os
xeitos sempre hai moitos paos no camiño para que non se poidan facer este tipo de eventos,
é difícil de entender que se poñan problemas para organizar estas actividades”.
Ribadeo acollerá o I Fórum de Innovación e Formación de Vehículos organizado pola asociación de Profesores de Automoción
Relacionado
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
