VERANEANTES EN FOZ
Suso Fernández
Cronista Oficial de Foz
No xornal “EL BALUARTE DE GALICIA” editado na cidade da Paula, do 19 de xullo de 1892, pódese ler : ” Han salido para Foz, con objeto de tomar baños, el Sr. D. Felipe Calderón, acompañado de su distinguida esposa doña Carmen Robles”. O periódico “MONDOÑEDO” de 11 de setembro de 1908 decía: “ … ya noticiamos que en la vecina villa de Foz se constituyera una Liga con el fin de arbitrar recursos para celebrar festejos durante todo el mes de agosto, correspondiendo así al favor que la colonia forastera otorga actualmente a Foz concurriendo a aquella playa…”. Nada se dí do número de “bañistas”, que non de veraneantes, un concepto entón descoñecido, pois a xente acudía ó mar non a veranear, senon para “tomar baños”.
O libro-programa das festas de 1935, inserta datos económicos da vila (“Foz es el primer puerto pesquero y de cabotaje de la provincia”, “La Aduana de Foz es la de mayor recaudación”…”más de 8000 personas pasan en Foz la temporada veraniega”, cantidade que no 1942, trala guerra civil, cifrábase en 15.000. A procedencia, como en todas partes, evolucionou na medida en que o fixo o nivel de vida, do que foi factor decisivo a mecanización dos medios para desplazarse e a mellora das estradas. O insigne intelectual don Xosé Trapero Pardo, que veraneou en Foz 67 anos consecutivos, e que de vivir tería hoxe 112, contábanos cómo a principìos do século pasado eran sobre todo os veciños dos vales mais próximos – Mondoñedo, Valadouro, Lourenzá… – os que nutrían de visitantes as nosas praias. E don Paco del Riego, finado vai haber un ano, case que centenario, tennos referido cómo os 12 primeiros agostos da vida pasounos en Foz, a onde se trasladaba no cabalo da “Picoeira” de Lourenzá.
Paseniño foron acercándose outras mais afastadas, sobre todo de Lugo cidade, que segue, pero que a estas alturas chegan de tódalas autonomías do Estado, e nos últimos 20 anos é moi significativa a presencia asturiana e, algúns, extranxeiros. Este vello cronista, nado baixo o estoupido das bombas bélicas, lembra dende rapaciño a presencia de familias de Madrid, Valladolid ou Ponferrada e mesmo garda na depauperada memoria os nomes dalgunhas delas. Como anécdota: don Arturo e dona Carme, matrimonio sen fillos, madrileños, chegaban cada ano á vila o 15 de xullo para celebrar aquí a onomástica. Ata esa altura do mes eran moi poucos os visitantes; decíase entón que aquí o verán só duraba “de 15 a 15”. Hai un feito innegable: o incremento da poboación estival foi espectacular en toda a Mariña; eso sen que os gobernantes, dende hai moito, fixeran pola súa promoción mais que limpar a area e irse de xira anual a Fitur…
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
