O PP FAI HONRA ÁS SÚAS SIGLAS NA XESTIÓN DA CRISE EN GALIZA E MAIS QUE PARTIDO POPULAR É O PARTIDO DO PARO
Bernardo Fraga, Manuel Parga e Xosé Paleo coincidiron na presentación hoxe da campaña “Futuro para A Mariña” en que co PP será imposíbel recuperar o pulso económico da comarca e os dereitos perdidos polas maiorías sociais
A Mariña,5 de xullo de 2012. O Tte. de alcalde de Viveiro, Bernardo Fraga Galdo e o parlamentario nacionalista, Manuel Parga Núñez, presentaron esta tarde as actividades que se desenvolverán na tarde de hoxe venres e na mañá do venres para dar inicio á Campaña Futuro para A Mariña que o BNG desenvolverá nas proximas semanas na comarca onde compaxinará traballo social a pé de rúa con iniciativas institucionais no conxunto dos concellos da comarca.
Os nacionalistas aproveitan as siglas do Partido Popular para convertelo no Partido do Paro tal como demostran as cifras con incrementos do 52% dende a chegada de Feijoo ao goberno da Xunta.
Segundo explicou o parlamentario nacionalista, Manuel Parga, a perda de emprego na comarca dende xuño de 2009 a xuño de 2012 sufriu unha escalada que supera as medias do conxunto do país e do Estado, mentres na Mariña o paro incrementouse nun 52%, en Galiza nun 38% e no conxunto do Estado nun 32%, “estas cifras poñen e evidencia que as destrución de emprego na nosa comarca medra por riba das medias galegas e estatal e en cifras absolutas na Mariña hai 2000 persoas mais sen emprego que en xuño de 2009. O parlamentario nacionalista afirmou que “Estamos asistindo ao desmantelamento industrial en toda regra dunha comarca que tiña un tecido produtivo importante e que era unha das economías máis dinámicas da Galiza oriental”. Para Parga, “o Partido Popular é o Partido do Paro na Mariña e no conxunto do país xa que dende a súa chegada ao poder as cifras de desemprego están disparadas, medrando por riba das do resto do Estado”
Bernardo Fraga afirmou que Viveiro é un concello que aposta polo emprego e a cultura xusto o contrario do que demostra facer algún representante do PP na Mariña.
Para Bernardo Fraga Galdo, é importante que as organizacións políticas saian á rúa a explicar á sociedade as súas propostas, con actos culturais ou sen actos culturais, o BNG estará estes dous días en Viveiro para dar comezo unha campaña necesaria para por sobre a mesa as nosas propostas e identificar con claridade quen está detrás deste desastre “que non son outras que as políticas neoliberais e antisociais que o Partido do Paro está executando dende fai tres anos na Xunta de Galiza.
O Tte. de Alcalde nacionalista de Viveiro afirmou que nas actividades previstas para hoxe e mañá en Viveiro hai cultura, información, debate político e lecer porqué mentres outros utilizan a xestión das administracións para recortarlle os seus dereitos laborais e sociais á cidadanía, o BNG estará sempre na rúa e nas institucións para coller o camiño contrario.
Bernardo Fraga e Manuel Parga explicaron o programa previsto para hoxe e mañá e aproveitaron para dar o seu apoio á mobilización convocada para mañá xoves na defensa dos postos de traballo e a industria na Mariña, nomeadamente Alcoa.
FUTURO PARA A MARIÑA
Xoves 5 de xullo
18:00 Presentación.
Xogos tradicionais
Xogos para nenos
20:00 Mesa redonda.
“A Mariña en crise”
Xosé Paleo Rodríguez (portavoz da CIG-Alcoa)
Manuel Parga Núñez (parlamentario do BNG)
Bernardo Valdés Paços (profesor de Estrutura Económica na USC)
21:30 Concerto
Mini e Mero
22:30 Foliada e xantar popular.
Actuación de distintos grupos da comarca.
Haberá zona de acampada
Venres 6 de xullo
11:00 Xogos para nenos e nenas
Contacontos a cargo de Fátima López
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
