CERVO .- A responsable municipal de Sanidade do Concello de Cervo, Yolanda Pedreira, recolleu queixas de veciños de Rúa, San Román e Trasbar, aos que lles están a cambiar o médico de cabeceira sen ter recibido ningún tipo aviso nin recabar a súa autorización previa. Pedreira asegura “coa saúde non se xoga” e discrepa das formas que está a empregar o Servizo Galego de Saúde.
Nota de Prensa
O cambio de médico efectuouse sen que se lles dera opción de escoller entre o ambulatorio de Cervo ou o Centro de Saúde de San Ciprián, coartando a liberdade de elección do profesional sanitario que entendan por máis conveniente.
YOLANDA PEDREIRA FAISE ECO DAS QUEIXAS DOS VECIÑOS DE RÚA, SAN ROMÁN E TRASBAR AOS QUE SE LLES ESTÁ A CAMBIAR O MÉDICO DE CABECEIRA SEN AVISO NIN AUTORIZACIÓN PREVIA
• Para a edil popular o comportamento do SERGAS denota certa precipitación e improvisación algo que non é aceptable cando se trata dun asunto tan delicado como é o que afecta á saúde das persoas.
Cervo, 20 de marzo de 2009.- A edíl de Sanidade do Concello de Cervo Yolanda Pedreira vén de facerse eco das queixas dos veciños de Rúa, San Román e Trasbar, aos que se lles está a cambiar o médico de cabeceira sen ter recibido ningún tipo aviso nin recabar a súa autorización previa. Moitos dos veciños desta parroquias que estaban adscritos ao Centro de Saúde de Burela non poden solicitar hoxe a súa cita para consulta ou receitas co seu médico habitual xa que foron derivados ata o Centro de Saúde de San Ciprián. A diferencia do que é propio nestes casos, ningún deles recibiu unha carta informativa nin tampouco foron consultados respecto deste cambio, nin sobre a posibilidade de optar entre o Centro de Saúde de San Ciprián ou o que ten seden na capital municipal (Cervo). Este último é moito máis próximo e accesible para gran parte dos veciños afectados pero nin tan sequera se deu esta opción.
Yolanda Pedreira explica que moitos destes veciños atopáronse co cambio de médico cando intentaron solicitar a súa cita vía telefónica ou por internet. “Incluso déronse casos nos que o paciente trasladouse ata Burela e alí o médico indicoulles que xa non os podía tratar. Afortunadamente, e grazas á profesionalidade deste doutor, evitoulles ter que desprazarse novamente a San Ciprián e atendeulles por última vez”
A edíl do Partido Popular cuestiona as formas que está a empregar o Servizo Galego de Saúde. De feito entende que denotan que estamos ante un acto improvisado e precipitado que non debera producirse deste xeito, en especial, tendo en conta que se está a falar dun ámbito tan delicado como é o da saúde das persoas e a libre elección do profesional médico que ten por obxecto a súa vixilancia e protección. “Coa saúde non se xoga”- concluíu Yolanda
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
