Humidais da ría de Ribadeo, ao fondo a ponte dos Santos Foto: Ría de Ribadeo
En recentes datas acaban de facerse públicos dous informes que alarman sobre o estado de conservación da ría de Ribadeo, segundo publica o blog Ria de Ribadeo. Un deles publicado co gallo da recente Conferencia Internacional Ramsar, e outro posterior da Sociedad Española de Ornitología.
“Entre os pasados días 6 e 13 de xullo de 2012, celebrouse en Bucarest a 11ª Reunión da Conferencia das Partes na Convención sobre os Humidais Ramsar (ou COP11). Nela analizouse a situación dos 2.026 humidais de todo o mundo que están incluídos neste convenio, detectándose graves carencias no cumprimento dos acordos adoptados polos estados participantes na Conferencia.
Unha das principais conclusións que se sacan da Resolución desta COP11, é a falta de información oficial sobre o estado dos humidais. Esta situación é común entre moitos dos estados membros, sendo un total de 1.385 sitios de 149 países (o que supón o 68% do total dos humidais Ramsar) dos que non se dispón de información actualizada. No caso do estado español, non cumpriu co seu compromiso de presentar informes actualizados da situación de 47 dos seus humidais recollidos no convenio Ramsar (sobre un total de 74).
Pero si esta falta de información actualizada é preocupante, como así se reflicte na resolución final aprobada na COP11, no caso concreto do noso humidal Ramsar, a Ría de Ribadeo, a situación é máis grave. Porque neste caso sí se presentou información sobre o estado do humidal, e precisamente ahí está o preocupante. Segundo se reflexa na resolución final da Convención, trátase dun dos 8 humidais (do total dos 74 de todo o estado) dos que se informou que “se teñen producido, se están producindo ou se poden producir cambios negativos inducidos polo ser humano”. Os outros 7 humidais cunha declaración similar son: Lagoa e areal de Valdoviño (tamén en Galicia), Aiguamolls de l’Empordà (Cataluña) , Albufera de Valencia, Mar Menor (Murcia), Saladar de Jandía (Canarias), S’Albufera de Mallorca e Txingudi (País Vasco).
Como complemento a esta declaración da COP11, e ante a falta de información da administración española sobre os outros 47 humidais Ramsar, a Sociedad Española de Ornitología ven de elaborar un breve informe no que se analiza a situación de tódolos humidais da rede, os 74. E lóxicamente, neste informe a situación do noso estuario tamén sae mal parada, en concordancia co expresado na resolución da COP11. Así, valorando a extensión e a calidade do hábitat requeridos polas poboacións de aves presentes no espazo, e entre unha escala de valores de Bo, Moderado, Pobre e Moi Pobre, o hábitat da Ría de Ribadeo está catalogado pola SEO como Moi Pobre. No seu informe a SEO deixa nunha situación similar a outros 17 humidais da rede no estado (o 23% deles).
Así pois, e a modo de reflexión, pódese dicir que a saúde da Ría de Ribadeo está seriamente ameazada, e que de seguir por este camiño de agresións e pouco control das actividades humanas que se realizan en torno a ela, a riqueza faunística, vexetal e por qué non dicilo, tamén paisaxística, continuará a degradarse.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
