Km0.Deputación de Lugo dinamiza a economía da Mariña, Terra Cha e da zona Sur coas rutas desta semana
– Pilar García Porto recibiu hoxe no Pazo de San Marcos a 48 membros da “Asociación de Hombreiro-Miño” quen realizou a ruta Catamarán por Amandi
– Outras tantas persoas coñecerán o xoves as praias de Ribadeo mentres 20 rapaces realizarán o sábado actividades lúdico-deportivas en Vilalba
Uns 120 lucenses gozarán esta semana das tres rutas de Km0.Deputación de Lugo, o programa medioambiental que dinamiza a economía da provincia, aproveitando os seus recursos naturais e alternativas lúdicas, co obxectivo de xerar riqueza. E é que neste proxecto, que leva en marcha dende hai tres anos e medio, colaboran 250 empresas luguesas, sobre todo PEMES e autónomos, que dan emprego directo a case 1.400 persoas. Son entidades hostaleiras, comerciais e ata de multiaventura. Cos itinerarios para hoxe, xoves e o sábado, as empresas beneficiarias son da Mariña, zona Sur e Terra Cha.
A Deputada de Economía, Recadación e Facenda, Pilar García Porto, recibiu este martes no Salón de Actos de San Marcos ó primeiro grupo desta semana: 48 membros da “Asociación de Hombreiro–Miño” que fixeron a ruta Catamarán por Amandi. O colectivo lugués achegouse ó Centro de Interpretación Terras do Miño e, xa en Doade, comeron no restaurante Casa Felisa. Pola tarde, fixeron unha ruta de sendeirismo hasta Pena do Castelo para máis tarde embarcar en catamarán para gozar dunha travesía por Amandi.
O municipio de Ribadeo será outra vez o destino da última ruta da semana, solicitada por un grupo da “Asociación de veciños de San Pedro de Soñar” que farán o xoves o itinerario As Catedrais. Despois da recepción no organismo provincial, os 48 veciños visitarán o Centro de Artesanía e Deseño, dependente da Deputación, situado na Travesía da Rúa Chantada. Xa en Ribadeo comerán no restaurante As Catedrais para percorrer pola tarde a praia do mesmo nome e o areal dos Castros. Para rematar o itinerario, o colectivo trasladarase ó aeródromo de Villaframil para visitar as súas instalacións.
O vindeiro sábado, 28 de xullo, outros 20 rapaces do grupo de teatro de Antas de Ulla achegaranse a Vilalba onde, ademais de coñecer este Concello, aproveitarán para participar no Lugoteando, outra programación ocio-medioambiental que xera riqueza, ofrecendo innovadoras alternativas lúdico-deportivas para potenciar o turismo da zona.
Inscrición rápida e sinxela
Todos os interesados en participar en Km0 poden inscribirse de xeito rápido e sinxelo chamando ó número de teléfono 982-26-00-74/75; ou entrando en www.deputacionlugo.org onde, dende a portada, deberán acceder ó espazo Km0, completar o formulario e envialo á km0@deputacionlugo.org. A continuación, poderán efectuar o pago, que será de 8 euros para grupos de menos de 24 persoas e individuais, e de 5 euros para grupos de máis de 24 persoas, quedando excluídos da modalidade de pago todos os colexios e institutos públicos. A institución facilita dúas modalidades de pago: persoalmente no servizo de Tesourería (Pazo de San Marcos) ou nas sucursais de NovaGalicia (co número de conta 20800152663110001425).
A reserva e pago das rutas tamén pode facerse a través da plataforma de comercio electrónico www.losproductosdelugo.com da Deputación, onde o usuario ten que pinchar, á esquerda do portal, no apartado Ocio, onde atopará un link cos itinerarios. Optando por esta alternativa, os participantes teñen un desconto do 10% no custe das actividades.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
