ESCASEA O LIBREPENSAMENTO
Na rúa de abaixo de Viveiro que agora se chama de Margarita Pardo de Cela existe unha placa da miña autoría recordando ao médico dos pobres Diaz Freijo coa lenda de Médico dos pobres e librepensador. Escasea o librepensamento nestes tempos tan malos para a lírica. O labor de forxarse un criterio, manifestalo respectuosamente e compartir inquietudes distintas fronte ao outro. Ocorre en todos os ámbitos da vida. Tamén na política.
Temo aos que nunca dubidan. Aqueles que sosteñen unha postura con aceda irreflexión, sen escoitar nin capacidade de recuar, e funcionan arroiando calquera indicio de discrepancia para impor o seu convencemento de quenda.
Por estes lares nos partidos políticos o debate desínflase. Unha tendencia que é de sempre pero que nos últimos tempos acentúase. Pero a gravidade da crise económica, que destapa os descaros e desacertos pasados, esixe desterrar as doutrinas enlatadas ao uso para explicar posturas á cidadanía.
As enquisas reflicten que as principais formacións ven minguadas as súas opcións electorais. A lexislatura acaba de estrearse e o desgaste do PP é inaudito para unhas siglas recentemente chegadas ao ansiado poder da Moncloa apto para torcer vontades. Non hai medio de comunicación máis influente que o Boletín Oficial do Estado.
Ministros hóuboos de todos os estilos. Pero, afortunadamente, destacan e permanecen no recordo colectivo os que concitaron méritos, luciron personalidade e brillaron polas súas inquietudes que os distinguiron sobradamente do resto.
A ausencia de crítica en democracia achanta o camiño aos totalitarismos. Os dirixentes que, de cando en vez, con lealdade mesurada, difiren das consignas internas robustecen a calidade do sistema.
Precedentes existen. Con todo, non os suficientes a diferenza doutros países, fundamentalmente anglosaxóns, onde desprezan, con razón, o seguidismo acrítico.
En ocasións, disentir é tan e necesario. E a prensa dixital ou de papel, segue sendo o foro natural no que incitar a reflexión como tarefa común. Demandemos, pois, excelencia ao espazo público e expresemos libremente a nosa opinión, e como di unha frasecita que anda por as redes, “Agora as noticias dámolas nos”e engado eu, pois a opinión tamén.
Otero Regal
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
