ANTONIO VEIGA RECLAMA Á XUNTA MAIOR COMPROMISO COA MARIÑA LUCENSE
A Vicepresidencia da Deputación de Lugo e o concello de Ribadeo asinan un convenio de colaboración para por en marcha o proxecto “Praia das Catedrais”, que repercutirá directamente na creación de emprego
Ribadeo, 14 de agosto de 2012. O vicepresidente da Deputación Provincial de Lugo e responsábel das Áreas de Benestar Social e Deporte, o nacionalista Antonio Veiga, e o alcalde de Ribadeo, Fernando Suárez, asinaron un convenio de colaboración mediante o cal o ente provincial aportará 40.000 euros para afrontar os gastos do proxecto denominado “Praia das Catedrais”.
Antonio Veiga explicou que “Praia das Catedrais é unha iniciativa do Concello de Ribadeo, un proxecto de calidade co que se pretende mellorar o servizo de información turística dun dos enclaves de maior proxección Galiza. Grazas a este convenio de colaboración que vimos de asinar, poderase contratar persoal para a atención do punto de información turística e dar cobertura a demanda existente de información da praia, pero tamén permitirá a contratación de traballadores para labores de limpeza, baleirado de foxas sépticas, desbroce e acondicionamento do terreo, deseño, tradución e edición de material turístico en diversos idiomas así como a realización de programas de promoción turística e mellora da oferta turística”.
Para o vicepresidente da institución provincial “este convenio constitúe unha actuación de interese público que incidirá de forma positiva no sector do ocio e do turismo e, en consecuencia, no sector económico do municipio e da comarca”.
A Praia das Catedrais é un enclave paisaxístico e turístico de primeira magnitude na comarca da Mariña e en Galiza; é a porta de acceso á Comunidade polo norte, forma parte do Camiño Norte Compostelán, está considerada Lugar de Interese Comunitario e foi declarada Monumento Natural; algo que, segundo Veiga “parece descoñecer o Goberno galego que non incluíu a Praia das Catedrais no ‘Top ten turístico’, a pesar de ser un dos lugares máis visitados de Galiza. Está demostrado que non todas as institucións apostan do mesmo xeito polo coidado e a promoción desta comarca. O Partido Popular ten moitas débedas coa mariña lucense”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
