Os recortes de Feijóo e do Alcalde fan que os turistas marchen de praias de Barreiros por inseguridade
– Mentres comerciantes, hosteleiros e Deputación se esforzan por alongar a estancia dos turistas na Mariña e aumentar o negocio, o PP despide ós socorristas e acelera o fin do periodo vacacional. “Mentres nós traemos xente eles bótana”
– Val Alonso denuncia que “o Alcalde non se pode conformar con pechar a porta ós turistas o 24 de agosto nas festas de San Bartolo e máis cando o turismo é o principal piar económico dun Concello coa construción paralizada”
– O socialista pídelle ó PP que recapacite “porque coa súa decisión está a poñer en perigo ós centos de bañistas nos 8 quilómetros de praias de Barreiros”
O Coordinador Comarcal do PSOE lugués na Mariña e responsable da Área do Mar, José Ramón Val Alonso, subliñou hoxe que “os recortes de Feijóo e do Alcalde co despido dos socorristas fan que os turistas marchen das praias de Barreiros por inseguridade. Mentres comerciantes, hosteleiros e Deputación de Lugo se esforzan por alongar a estancia dos visitantes e aumentar o negocio nun Concello coa construción totalmente paralizada e no que o turismo é o seu piar fundamental, o PP confórmase con pechar as portas ós turistas o 24 de agosto nas festas de San Bartolo. É dicir, mentres nós traemos xentes eles bótana”.
“Os recortes do Partido Popular non só paralizan a economía do municipio senón que poñen en perigo ós centos de bañistas das praias de Barreiros que a partires deste vindeiro venres non contarán con socorristas nos 8 quilómetros nos que se estenden os areais deste Concello só por decisión do Alcalde e dos seus compañeiros de partido na Xunta de Galicia, que non parecen ser conscientes ou ben non lles importan as consecuencias económicas e persoais”, remarcou o socialista para pedir ó PP, posteriormente, que recapacite.
Val Alonso lamentou que “malia que o señor Alfonso Fuente Parga recoñece o incremento da afluencia ás praias de Barreiros non faga nada por manter un servizo imprescindible para garantir a seguridade dos seus usuarios, prolongando ós contratos laborais dos socorristas durante o mes de setembro cando, previsiblemente, e tendo en conta que só esta fin de semana se rexistrarán temperaturas de ata 26 grados, centos de veciños e turistas visitarán os areais barreirenses”.
Empezan tarde e acaban peor
“Manteuse calado cando o Goberno galego recortou as axudas do Plan de Cooperación, reducindo a uns vinte o número de socorristas nas praias de Barreiros este ano, por certo, ó mínimo para manter as bandeiras azuis, cando en 2011 foron ata 30. Tamén calou cando estes profesionais non comezaron a traballar ata mediados de xuño pola inoperancia da Xunta. Agora, volta a manterse sumiso co Goberno galego ó non esixir a continuidade este servizo, ofrecendo xustificacións sen sentido”, subliñou.
Neste senso, o responsable da área do Mar no PSOE lugués amosouse moi sorprendido polas declaracións de Fuente Parga quen asegurou que os medios de seguridade non garantizan que non vaia a pasar nada, apuntando que con estas afirmacións “amosa non estar á altura das circunstancias. Quero entender que é porque o Alcalde descoñece o labor dos socorristas porque, en caso contrario, estaría a desprestixiar o traballo de profesionais preparados e cualificados para salvar vidas”.
Máis impostos e menos servizos
Val Alonso preguntou “onde investiu o Alcalde os 400.000 euros que a maiores fixo pagar ós veciños de Barreiros este ano mediante o incremento de impostos e creando novas taxas, como as licencias urbanísticas ou o imposto de saneamento?, por que Fuente Parga non emprega estes cartos para ampliar o servizo de socorrismo?, a caso temos que lembralles ó Alcalde que a súa responsabilidade é priorizar servizos ós cidadáns? ou é non quere dicirlle ós seus seus veciños que tivo que incrementar o gasto social debido ós recortes da Xunta, que se negou a pagar ás Axudas no Fogar, impoñendo máis custes ás entidades locais”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
