O descontrol, o pouco traballo e a falta de compromiso definen a xestión do bipartito en Mondoñedo
Ante a falta de información sobre o proxecto de solicitude dun obradoiro de emprego, que levou a pleno o bipartito; a portavoz do Partido Popular mantivo unha forzada reunión co rexedor local, co seu socio de goberno e con outros concelleiros, para solicitar documentación, que por dereito lle corresponde e de xeito sistemático se lle nega
O Grupo Popular recorda que a situación que vive Mondoñedo precisa de unanimidade en moitos aspectos e unión por parte das forzas políticas. Sen embargo, os populares denuncian que o desgoberno do BIPARTITO fai imposible o entendemento
Pese a esta situación, o PP local aínda quere tender a man e anuncia que vota a favor do proxecto de solicitude do obradoiro de emprego
Mondoñedo, 29 de agosto de 2012- O Partido Popular de Mondoñedo, sufre unha vez máis as consecuencias do DESGOBERNO do equipo que está ao fronte da administración local. A menos de 20 minutos da sesión plenaria celebrada hoxe, os populares denuncian que non estivera completo o expediente de solicitude de subvención ao abeiro da orde do 27 de xullo do 2012 pola que se establecen as bases reguladoras das axudas e subvencións para os obradoiros de emprego dentro dos programas mixtos de emprego e formación da Comunidade Autónoma de Galicia e se procede a súa convocatoria para o ano 2012.
Os populares aseguran que a documentación que tivo no seu poder o partido que representan, o máis votado en Mondoñedo, é un documento de dous folios “onde poucas cousas están claras”. O Grupo Municipal do Partido Popular denuncia a falta de información e fixo fincapé en dúas dúbidas importantes: se o Concello ten a dispoñibilidade para a execución das actuacións nos inmobles e espazos aos que afectan (recorda que este proxecto se faría en Vilar e a concesión destes inmobles por parte dos propietarios estaría condicionada por un fin, nun tempo determinado); e se se pode comprometer a habilitar as aplicacións orzamentarias necesarias para os exercicios 2012 e 2013 e atender así a parte do custo do proxecto que non sexa subvencionada pola Consellería de Traballo e Benestar. O populares tamén recordan que Mondoñedo está sometido a un reguroso plan de axuste e que calquera habilitación de gasto ten que vir paralela a un aforro.
Esta situación amosa o POUCO TRABALLO, DESCONTROL, E FALTA DE COMPROMISO DO BNG E DO PSOE COS MINDONIENSES.
A improvisación e a falta de estudio neste proxecto é similar ao día a día no concello de Mondoñedo. O Partido Popular recorda que o equipo de goberno leva máis dun ano e oito meses CO GASTO REPARADO, a pesar de seguir gastando diñeiro público en xestión e desprazando deste xeito os servicios municipais para o traballo diario. Así, dende o PP recordan o convenio asinado coa Deputación de Lugo para facer a contabilidade cando o resto de concellos da provincia emprega os funcionarios municipais para este fin. O bipartito gastou diñeiro na contratación dunha empresa externa, para continuar: CON ATRASO NA CONTABILIDADE, SEN ORZAMENTOS ACTUALIZADOS e CO GASTO REPARADO e do que ocupa neste momento, unha vez máis IMPROVISACIÓN EN EXPEDIENTES TAN IMPORTANTES COMO ESTE.
Sen dúbida, os populares aseguran que Mondoñedo e os mindonienses son os que sofren as consecuencias dun desgoberno.
Os populares votan a favor pensando no ben dos mindonienses
Priorizando a necesidade de postos de traballo, pensando no diñeiro público que teñen invertido as Administracións ó longo dos últimos anos neste proxecto de Vilar, o PP VOTOU A FAVOR DE SOLICITAR A CONSELLERÍA DE TRABALLO E BENESTAR DA XUNTA DE GALICIA A SUBVENCIÓN MENCIONADA por importe total de 398420,10 euros.
Os populares consideran que é importante dar unha imaxe de unidade, neste punto, sendo conscientes de que a situación que está a provocar o bipartito na administración local mindoniense é INSOSTIBLE e a falta de CAPACIDADE E COMPROMISO resulta evidente en cada tramitación.
O PP agradece a dispoñibilidade dos alcaldes de Lourenzá e Barreiros por tramitar de forma conxunta un proxecto. Unha imaxe de traballo a copiar nun futuro.
Es posible que tu navegador no permita visualizar esta imagen.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
