Es posible que tu navegador no permita visualizar esta imagen.
Os datos contables expostos publicamente poñen en dúbida as afirmacións públicas do goberno local en relación coa dificultade económica do concello
O PP pediralle en pleno ao goberno local que clarifique a contabilidade xa que pese a amosar liquidez o alcalde segue acumulando facturas e débedas cos provedores
O PP instará ao goberno municipal a que de ser fiel a contabilidade exposta publicamente, pague inmediatamente as débedas pendentes co remanente de tesourería que supera o 1.900.000 euros
Se como afirma o goberno local, esta contabilidade é irreal, e por conseguinte non reflexa a imaxe fiel da situación do concello, o Grupo Municipal do Partido Popular pedirá que de xeito inmediato se proceda a obrigada corrección da contabilidade, ben sexa depurando saldos ou calquera outras medidas que indiquen os servizos xurídicos do concello
O equipo de goberno pese a gastar máis de 40.000 euros na contratación dunha empresa contable externa e incluso recibir unha subvención de máis de 30.000 euros da Deputación provincial, non logrou presentar unha contabilidade real e fiel , o que demostra a inoperancia do BNG e do PSOE no concello mindoniense
Mondoñedo, 13 de setembro de 2012- O Grupo Municipal do Partido Popular pediralle en pleno ao goberno local, liderado polo nacionalista Orlando González, que clarifique a contabilidade do Concello, xa que pese a amosar liquidez, o rexedor segue acumulando facturas e débedas cos provedores. En concreto, o PP instará ao goberno municipal a que de ser fiel a contabilidade exposta publicamente, pague inmediatamente as débedas pendentes, e que incluso cancele o préstamo contratado para pago a provedores, co remanente de tesourería que supera o 1.900.000 euros.
Pola contra, se como afirma publicamente o goberno local, a contabilidade feita pública é irreal, e por conseguinte non reflexa a imaxe fiel da situación do concello, o Grupo Municipal do Partido Popular instará ao equipo de goberno a que de xeito inmediato se proceda a obrigada corrección da contabilidade, ben sexa depurando saldos ou calquera outra medida, que indiquen os servizos xurídicos do concello.
A contabilidade exposta publicamente polo goberno do PSOE e do BNG en Mondoñedo reflexa un remanente de tesourería superior aos 1.900.000 euros, en concreto, 1.911.201, 65 euros, unha vez descontado un saldo de “dubidoso cobro” de 262.908 euros. O remanente total de tesourería feito público sen este desconto sería de 2.174.110,16 euros.
Esta situación confróntanse co feito de que dende o concello de Mondoñedo non pague aos provedores cando esta información amosa que o ente ten liquidez para facelo, tendo en conta que o remanente de tesourería é un saldo que permite coñecer, ao final do exercicio, a solvencia ou capacidade económica que ten unha administración para afrontar as súas débedas.
A portavoz local, Elena Candia, explica que se o resultado feito público é falso, esta situación debe derivarse na correspondente responsabilidade. A contabilidade debe reflexar a imaxe fiel e real da situación económica do Concello, polo tanto, se tal e como anuncian nos medios, esta contía está mal, a contabilidade presentada incumpre a lei e en concreto o artigo 205 da Lei Reguladora de Facendas Locais (RD Lexislativo 2/2004 de 5 de marzo), que regula que a contabilidade dos entes locais estará organizada ao servizo entre outros, do fin de establecer o balance da entidade local, poñendo de manifesto a composición e a situación do seu patrimonio, así como as súas variacións.
O Partido Popular denuncia a incongruencia nos datos que recolle a contabilidade en relación coas afirmacións que o rexedor local vén expoñendo dende que asumiu o goberno, ao alardear en todos os medios de comunicación e espazos públicos da mala situación económica que presentan as arcas municipais do concello de Mondoñedo. O PP denuncia esta irresponsabilidade e de ser certo o resultado obtido, esta circunstancia “preocupante” amosa a incapacidade dun goberno que alardea da mala situación das arcas municipais e que non paga cando ten liquidez para facelo
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
