CERVO .- O Auditorio da Casa da Cultura de San Cibrao acollerá este sábado un concerto do grupo xuvenil OS DOUS DE SEMPRE. Saídos da canteira do Grupo Folclórico Mistura de Lieiro, Ricardo García -á gaita galega- e Xulián Rodríguez -ao acordeón- formaron no 2008 este dúo que mostrará ao público unha grande variedade de ritmos e melodías da música popular e tradicional galega.
Ricardo e Xulián son ademais veciños da localidade de San Cibrao e membros do grupo folk Clan Maragato que está en pleno proceso de elaboración dunha maqueta nos estudios Abrigueiro. Con OS DOUS DE SEMPRE ofrecen un amplo repertorio musical con arranxos feitos por eles mesmos, o que dá lugar a unha sonoridade única.
O concerto dará inicio ás 20.00 horas, no Auditorio Municipal da Casa da Cultura de San Ciprián e esta aberto ao público en xeral. Todos aqueles que queiran gozar da boa música galega e tan só será necesario pagar unha entrada simbólica ao prezo de 1,50 euros destinados ás distintas actividades que desenvolve a asociación cultural ARROUTADA.
Sen lugar a dúbidas San Ciprián é unha cita obrigada este sábado grazas ao amplo repertorio de actividades programadas para ese día. De feito tras o V ENCONTRO DE PALILLEIRAS que acollerá a unha multitude de artesás dos bolillos, tamén os mozos e as mozas teñen unha actividade especialmente dirixida para eles coa actuación de OS DOUS DE SEMPRE. A Concelleira de Cultura e Xuventude do Concello de Cervo, Chelo Gallego valora dun xeito positivo que agrupacións musicais locais como é o caso desta poidan facer uso do novo Auditorio Municipal, caracterizado polas súas estupendas condicións acústicas e convida a veciños e visitantes e non perderse este concerto.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
