NO PLENO EXTRORDINARIO DO VINDEIRO LUNS APROBARÁSE A MODIFICACIÓN DALGUNHAS ORDENANZAS FISCAIS PARA 2013, QUE SE INCREMENTARÁN NUN 3’4%. O ALCALDE SALIENTOU QUE HAI TAXAS QUE NON SUBEN COMA A DO CEMITERIO, AS DE AXUDA A DOMICILIO, OU A DE UTILIZACIÓN DE INSTALACIÓNS DEPORTIVAS MUNICIPAIS.
Burela, 25 de outubro de 2012. O vindeiro luns, 29 de outubro, celebrárase pleno extraordinario en Burela para aprobar as ordenanzas fiscais que rexirán no no concello durante o ano 2013. O alcalde, José Mª González Barcia, asegura que “se trata dun paso previo para a elaboración e aprobación dos presupostos municipais”. A maioría das taxas subirán o IPC interanual, que está fixado polo Ministerio de Hacienda, no 3,4%, pero hai outras que non sofrirán modificacións coma a do cemiterio, as de axuda a domicilio ou a de uso de instalacións deportivas municipais.
O rexedor dixo que “hoxe houbo a pertinente comisión informativa. Do que se trata é de actualizar prácticamente a maioría das ordenanzas en base ao IPC interanual que está fixado polo Ministerio de Hacienda nun 3’4%. Esto é un trámite habitual. A inmensa maioría dos concellos actualizan as súas ordenanzas fiscais por unha razón que é obvia. Como Concello a administración ten que pagar polos servizos que recibe e que presta aos cidadáns e o lóxico e normal é actualizar as ordenanzas en función dese IPC. A maioría das ordenanzas teñen esa actualización”. González Barcia subliñou que “hai algunhas que non cambian e que se quedan como están, como por exemplo o uso de instalacións deportivas municipais, a ordenanza do cemiterio queda como está ao igual que as dúas ordenanzas vinculadas coa axuda a domicilio e tamén o imposto de actividades económicas e o imposto de construcción, instalación e obras. Hai algunha ordenanza que se incrementa moi pouco, diríamos que se trata dun axuste máis que dun incremento, como é o caso da entrada ao barco museo ou os vados que suben dous euros. Estas actualización realízanas todas as administracións para ter compesados o seu estado de gastos e o seu estado de ingresos”.
Novas ordenanzas
No pleno extraordinario do vindeiro luns o equipo de goberno aprobará dúas ordenanzas novas. O alcalde indicou que “unha delas ten que ver coas taxas que se cobran pola medición de ruidos en locais de hostalería ou en outros, porque esto orixina uns gastos en material. E eses custes entendemos que deben ser amortizados en función das medicións que se teñan que facer, ademáis ás veces teñen que ir varios axentes da propia Policía Local para que se fagan estes traballos. A taxa que se vai pagar pola realización de medicións de ruidos é de 200 euros, pero con matizacións”. José Mª González Barcia manfestou que “cando a medición é provocada pola denuncia dun particular, si é certo que hai ruido a taxa pagaríaa o local denunciado, pero si pola contra esa denuncia demostra que a medición é correcta e non se superan os límites de ruidos incluidos na normativa municipal quen tería que pagar sería a persoa que denuncia. No caso de que sexa o Concello o que actúa de oficio, si esa medición resulta negativa para o local o custe sería asumido polo Concello e en caso contrario, é decir si se confirma que o ruido é superior aos niveis máximos permitidos será o propietario do local o que teña que cargar co custe”.
A outra ordenanza que se porá en marcha é a reguladora do imposto municipal sobre incremento de valor dos terreos de natureza urbana. O alcalde de Burela anunciou que “poñeremos en marcha esto en función do plan de axuste aprobado no seu día e ocasionado pola existencia de 1.300.000 euros en facturas pendentes de pago prácticamente na súa totalidade do anterior goberno bipartito, por eso tivemos que facer ese plan de axuste no que figura o compromiso do Concello de Burela de aplicar unha ordenanza sobre a plusvalía no que son as transaccións de compra venta de bens inmobles e solares. Sobre o valor catastral se aplicarán uns gravames ao igual que noutros concellos e noso caso se aplicará un tipo impositivo que é un dos máis baixos que hai en toda Galicia. Non grava o prezo en sí de venta, senón o valor catastral do ben que se vende e esa plusvalía será dun 10%”. González Barcia recalcou que “esta ordenanza ven derivada polo plan de axuste no que se inclúe esta taxa para xenerar ingresos e así facerlle fronte a ese crédito que houbo que pedir para pagar esas facturas que outros deixaron sen pagar. E a taxa de medición de ruidos entendemos que é de xustiza aplicar porque non é que vaia xenerar uns grandes ingresos ao Concello, non se trata diso, senón que esas medicións non teñan repercusión económica para o conxunto dos cidadáns senón que as persoas que denuncian ou son denunciados e incumplen a normativa se fagan cargo do importe que costa facer esas medicións”.
Presupostos de 2013
Para José María González Barcia o pleno do luns ten un marcado cariz económico, “e é o preludio da elaboración dos presupostos e da aprobación dos mesmos. A intención que temos é enviar ao BOP con carácter inmediato os acordos que se adopten nesa sesión plenaria do luns. E os presupostos queremos aprobalos no pleno ordinario que terá lugar a finais do vindeiro mes de novembro para que entren en vigor con efectos absolutos o día 1 de xaneiro”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
