GONZÁLEZ BARCIA ANUNCIA QUE A XUNTA VEN DE CONCEDERLLE UN OBRADOIRO DE EMPREGO AO CONCELLO DE BURELA. NEL FORMARÁNSE 15 DESEMPREGADOS DURANTE SEIS MESES. O INVESTIMENTO SERÁ DE 133.000 EUROS.
Burela, 2 de novembro de 2012. O alcalde de Burela, o popular José María González Barcia, anunciou hoxe que “a Xunta ven de concederlle ao Concello burelés un obradoiro de emprego para formar a quince persoas desempregadas”.
O rexedor manifestou que “ésta é unha magnífica noticia que ven a confirmar, por un lado, a preocupación que temos desde o equipo de goberno por axudar a xerar emprego e á formación dos desempregados para facilitarlles o acceso ao traballo, e por outro a implicación da Xunta de Núñez Feijoo co Concello de Burela”.
González Barcia afirmou que “o obradoiro de emprego, que leva o nome de Faro de Burela IV, está destinado a formar a quince persoas desempregadas en materia de axuda a domicilio, un campo no que actualmente hai demanda de traballadores. As persoas que asistan ao obradoiro e o superen conseguirán unha acreditación homologada que certifica a profesionalidade para poder desempeñar un posto de traballo no campo da axuda a domicilio”. A duración do obradoiro, que está destinado a segmentos de poboación con especial dificultade para atopar traballo, será de seis meses.
Importante tamén é o investimento, indicou Barcia, que “será de 133.000 euros englobando todos os custos, os do profesorado e persoal auxiliar, o dos alumnos, materiais a empregar, etc”.
O alcalde de Burela dixo que “o pasado mércores demandóusenos por parte da Xunta que comunicáramos os nomes das dúas persoas que formarán parte do Grupo Mixto que levará a cabo o proceso de selección do alumnado, profesorado e persoal auxiliar, e no mesmo día se lle comunicaron á administración autonómica os nomes e postos das mesmas, para poñerse a traballar tan pronto a Xunta o demande”.
José María González Barcia afirmou que “o compromiso da Xunta é innegable. A este investimento de 133.000 euros temos que sumarlle o destinado para os doce traballadores de Grupo Municipal de Intervención Rápida que foron 115.000 euros; outros 25.000 euros para os tres postos do GMIR estable e 33.500 euros para os socorristas. Ademais hai que engadir os 170.000 euros dos catro cursos de formación ocupacional que neste momento están a piques de rematar e que atenden a 60 persoas desempregadas”. O rexedor subliñou que “en total son 476.500 euros os adicados á contratación de persoal nos últimos meses en Burela, unha cifra respectable nos tempos que estamos a vivir. Mentres outros fan política de boquilla, nós traballamos para mellorar o emprego e mellorar a formación das persoas que buscan emprego, para facilitarlles precisamente o acceso ao mundo laboral”.
Finalmente, o alcalde burelés manifestou que “o obradoiro ten que comezar a funcionar este ano, supoño que a principios do vindeiro mes de decembro”.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
