No pleno provincial celebrado esta mañá
Besteiro, a instancias do PP, accede a involucrarse no mantemento das oficinas de NovaGalicia Banco de Muras e Riotorto
. Os populares piden ao Equipo de Goberno menos demagoxía e máis decisións
. O PP logra que o Equipo de Goberno vote a favor da moción relativa a instar a novagalicia banco a que reconsidere o seu plan de reestructuración e peche de oficinas da provincia de Lugo, sendo especialmente sensible con aquelas poboacións que non teñen outra entidade bancaria
Lugo 27 de novembro de 2012.- Logo da sesión plenaria provincial desta mañá, o PP de Riotorto asegurou que foi o seu partido o que fixo que o Señor Gómez Besteiro se involucrase no mantemento das oficinas bancarias que NovaGalicia Banco ten en Riotorto e Muras.
Os populares conseguiron acadar a unanimidade das forzas políticas provinciais para instar a Novagalicia Banco a que reconsidere o seu plan de reestructuración e peche de oficinas na provincia de Lugo, “sendo especialmente sensible con aquelas poboacións que non teñen outra entidade bancaria, como acontece no caso dos concellos de Riotorto e Muras”
Os populares demandaron a implicación directa do Executivo provincial para que, ao igual que o está a facer o PP e a Xunta, inicie as negociacións oportunas cos directivos desta entidade bancaria ao obxecto de que o banco rectifique na intención do peche de oficinas, previsto para antes de que finalice o ano en curso.
O PP de Riotorto asegurou que a unión de veciños e de institucións pode ser a clave para acadar melloras na calidade de vida dos residentes da provincia e a Deputación como o conxunto de institucións teñen a responsabilidade e obriga de trasladarlle a todas as entidades -incluído este banco- as prioridades e as necesidades dos veciños.
Concluíron os populares de Riotorto manifestando a súa satisfacción polo voto a favor do Equipo de Goberno no relativo a esta moción popular.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
