Despexadas todas as estradas provincias co Plan de Emerxencia da Deputación pola neve
– 102 operarios e 54 vehículos traballaron durante toda a noite, permitindo que a esta hora se circule con total normalidade nos máis de 4.000 quilómetros da rede viaria provincial
– Este dispositivo, que actuou en vías de Pedrafita, Quiroga, Samos, As Nogais, Cervantes, Courel e A Fonsagrada, continuará activo na fin de semana, atendendo as alertas dende os municipios e prestando servizo en toda a provincia
– A institución conta con 12 silos distribuídos pola provincia con 350 toneladas de sal
O Plan de Emerxencia da Deputación activado onte con motivo da alerta amarela por neve tivo como resultado que, dende primeira hora da mañá, se poida circular con normalidade por toda a rede viaria provincial, a máis extensa de España con máis de 4.000 quilómetros.
Para elo, 102 operarios e 54 vehículos, despregados nas 8 zonas que dividen a rede viaria provincial, traballaron durante a noite, prestando servizo en todos os Concellos lugueses segundo as necesidades. Tendo en conta que a Montaña foi a máis afectada, esta zona contou con 32 traballadores e 16 máquinas.
Finalmente, o dispositivo do organismo lugués actuou nas seguintes vías: en Pedrafita, nas CPs 1301, 3701, 4501, 4503, 4504 e 4505; en Quiroga, na CP 5001; en Samos, na CP 5603; nas Nogais, na 4503; no Courel, nas CPs 1303 e 4501; así como en varios puntos da Fonsagrada e Cervantes.
Hoxe este operativo segue en activo, atendendo os avisos dos municipio, traballos que proseguirán durante toda a fin de semana. Teñen a súa disposición, a maiores, 12 saleiros con 360 toneladas de sala -30 toneladas por silo-, situados en Cervantes, Becerreá, O Courel, Ribas do Sil, A Fonsagrada, Navia de Suarna, Riotorto, O Incio, Ourol, O Valadouro, Pedrafita do Cebreiro e Lugo. Ademais, teñen a súa plena disposición outras 250 toneladas de sal por se fora necesario.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
