O GMS PEDIRÁ Ó PLENO INSTAR A INDUSTRIA A TOMAR AS MEDIDAS OPORTUNAS PARA SOLUCIONAR O EXCESO NAS FACTURAS ELÉCTRICAS
-Os socialistas aseguran que “Cervo é un dos concellos máis perxudicados e dende a Consellería de Industria non se está facendo nada para sanear e compensar as infraccións”
-Esixirán que “a Xunta de Galicia non permita cortes de subministro ata que se resolvan as reclamacións e pediremos o apoio da corporación para a Plataforma de Afectados polos Abusos do Mercado Eléctrico”
CERVO, 1 DE DECEMBRO. O Grupo Municipal Socialista de Cervo presentou na mañá de onte unha moción a través da cal pedirá ó pleno da Corporación que “se inste á Xunta de Galicia a que leve a cabo as medidas oportunas para controlar o exceso das facturas eléctricas e compensar o sobrecusto aplicado a moitos consumidores do noso concello polos erros do sistema”.
A liberalización do sector eléctrico está provocando violacións da normativa vixente e a situación agrávase aínda máis coa substitución dos equipos de medida polos novos modelos dixitais, os socialistas subliñan que “neste marco, o consumidor atópase nunha situación de total desamparo e o noso concello está sendo dos máis perxudicados”.
Son numerosos os problemas cos que se atopan os afectados, din que “se están instalando, por parte dalgunhas compañías, equipos de medida sen ningún control metrolóxico que incumpren a normativa, rexistráronse graves retrasos nos prazos establecidos pola lei para efectuar modificacións nas condicións técnicas, as lecturas estimadas do consumo fan que, en moitos casos, éstas sexan notablemente esaxeradas e as familias vénse obrigadas a facer fronte a gastos desorbitados por medo a que se lles corte o subministro de luz”.
Ante este situación, a Consellería de Industria, administración que debe velar pola eficacia do proceso, “non está a facer nada para evitar estas infraccións. O gran perxudicado é o usuario e a única resposta que se lle dá é clara: primeiro pague e logo reclame”.
Dende o GMS non entenden a forma de actuar do actual Executivo Galego e pedirán no vindeiro pleno “por unha banda, instar á Consellería de Industria a sanear esta situación e a desenvolver diversas medidas compensatorias para todas aquelas familias que se viron afectadas inxustificadamente pola estimación esaxerada das facturas eléctricas e por outro lado, esixirlle á Xunta de Galicia que leve a cabo as xestións oportunas para que as empresas comercializadoras non efectúen os cortes do subministro ata que se resolva o procedemento, obrigándolles a verificar que se cumpren os requisitos obrigatorios antes de ordenar a interrupción eléctrica”.
Engadiron que poñerán tamén enriba da mesa a proposta de “apoiar á Plataforma de Afectados polos Abusos do Mercado Eléctrico, pois está traballando moi duro para informar e axudar en todo o posible ós nosos veciños e a todos os perxudicados”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.