RIBADEO (FNC) .- Desde onte está aberto o prazo para anotarse nas escolas de verán do Concello de Ribadeo que este ano volvemos a ofertar 4 posibilidades, xa que ademais das 3 do ano pasado: pesca, surf e piragüismo, ofértase tamén vela. Nas escolas ribadenses poden participar nenos e nenas con idades comprendidas entre os 7 e os 14 anos.
O prazo de inscrición e pago remata o venres 15 de maio. Segundo o concelleiro de Deportes, Vicente Castro “a forma de matricularse e o pago serán os mesmos que nas escolas de inverno. Pais ou alumnos terán que pasar pola OMIX a recoller a folla das taxas, ir pagar ao banco e traer de novo o recibo para formalizar a inscrición”.
Nas escolas de vela e pesca haberá límite de alumnos. Serán15 os participantes na escola de vela e 20 os de pesca que conseguirán as súas prazas por orde de anotación. Castro sinala que “terán preferencia os rapaces empadroados no Concello de Ribadeo”.
Os horarios serán os seguintes:
SURF: Mes de maio: sábados de 15:00 a 17:00 horas.
Mes de xuño: martes, mércores e xoves de 15:00 a 17:00 horas.
VELA: Comezo no mes de maio. Practicarase os sábados. Máximo 15 alumn@s.
PIRAGÜISMO: Meses de xullo e agosto: luns e mércores de 16:30 a 19:00 horas.
PESCA: Meses de xullo e agosto: sábados de 10:00 a 14:00 horas. Máximo 20 alumn@s.
Subida ao Mondigo
Por outra banda, un ano mais e xa van 12, o club ciclista Eo, coa colaboración do Concello de Ribadeo, organizan a subida ao Mondigo en BTT. A cita terá lugar o vindeiro domingo 26 de abril, e a saída será de diante do Concello, ás 09:30 horas, e a chegada ao campo de fútbol.
A distancia a percorrer oscila entre os 45-50 quilómetros, sendo a súa dificultade media-alta, cun desnivel acumulado de 600 metros. Esta nova edición servirá coma tódolos anos para pasar un domingo facendo deporte, ben acompaño e gozar das marabillosas vistas que hai dende o Mondigo e diversos puntos do percorrido.
Para mais información e inscricións:
teléfonos: 669796539 – 600625362 – 982128079
Fax: 982128454
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
