As descalificacións persoais amosan unha “moi dubidosa” moralidade do rexedor nacionalista
López Penabad lembra que o único culpable da perda dun obradoiro de emprego para Ribadeo é Súarez Barcia, que actuou con total “incompetencia” castigando aos desempregados da localidade
• O presidente do PP local lamenta as evasivas do alcalde de Ribadeo que se escuda no ataque a súa persoa no lugar de dar a cara e explicarlles aos veciños da “súa culpabilidade” pola non concesión dun obradoiro de emprego á localidade
• O popular explica que o rexedor nacionalista presentou tarde e de xeito incompleto a documentación o que conlevou un desestimento da axuda da Xunta ao arquivo do expediente
Lugo, 4 de xaneiro de 2013.- O presidente do Partido Popular de Ribadeo, Jesús López Penabad, lembra que o primeiro e único culpable da perda dun obradoiro de emprego para a localidade é o rexedor nacionalista, Fernando Suárez Barcia. O popular lamenta que o alcalde se centre en lanzar á prensa descalificacións persoais que amosan unha “moi dubidosa” moralidade do nacionalista, no canto de centrarse na súa xestión de goberno e darlles as explicacións oportunas aos veciños sobre os motivos que conlevaron a non concesión do obradoiro de emprego.
Dado que o rexedor nacionalista non foi quen de dar a cara e explicarlles aos veciños de Ribadeo os motivos que conlevaron a perda de obradoiro, López Penabad asume esa función e asegura que o alcalde presentou tarde e de xeito incompleto a documentación que se lle requiriu o que supón un desestimento da axuda da Xunta o arquivo do expediente.
Penabad lamenta que mentres ao resto dos concellos lles fora notificada a resolución; o alcalde nacionalista non foi quen de interesarse polas razóns da non chegada desta axuda da Xunta, tal e como si se fixo dende o Partido Popular tras comprobar que Ribadeo non formaba parte da lista dos concellos beneficiarios.
López Penabad esíxelle ao rexedor local “maior responsabilidade” na súa xestión xa que a súa total ”incompetencia” no seguemento dos trámites administrativos oportunos para a concesión do obradoiro está a castigar aos desempregados de Ribadeo
O popular recórdalle ao rexedor nacionalista que o proceso de selección para os obradoiros de emprego é “claro, público e conta coas máximas garantías”, polo que lamenta as acusacións que poñen en dúbida a contratación de López Penabad, garantida polos seus propios méritos e titulacións; así como o ataque persoal posto de manifesto cara a súa persoa.
O presidente popular local denuncia que Suárez Barcia incorra ata tres veces en “irresponsabilidades” como político, xa que nin solicita en tempo e forma o obradoiro de emprego; nin dá explicacións aos veciños sobre o acontecido; ademais de entrar en descalificacións políticas.
López Penabad lamenta que os grandes prexudicados dunha xestión caracterizada pola “deixadez e a despreocupación nas súas funcións de rexedor” sexan os desempregados que non puideron optar a unha contratación durante seis meses e xa non o farán polo erros do alcalde de Ribadeo. Así, lamenta que o nacionalista “bote balóns fora” cando Suárez Barcia é o “primeiro responsable” da non concesión do obradoiro e pide que dea a cara xa que “é plenamente consciente de que fixeron as cousas mal”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.