PLATAFORMA DE AFECTADOS PARTICIPACIÓNS PREFERENTES E SUBORDINADAS DA MARIÑA
Dende a plataforma xa levamos varios meses de loita, de un día para outro vimos como o noso diñeiro, os nosos aforros de toda una vida de esforzo e traballo desaparecían. Fomos enganados e estafados por Novagalicia Banco, os seus traballadores axudándose da nosa confianza vendéronnos un produto, segundo eles, totalmente seguro e fiable que resultou ser completamente unha trampa na cal están, a día de hoxe, atrapados o noso diñeiro e os nosos aforros. A día de hoxe estamos nunha situación moi difícil, houbo xente que puido recuperar os seus aforros mediante a vía arbitral, pero a gran maioría segue á espera dunha solución que, a día de hoxe, non existe. Nesta situación xa desesperante, vimos como o goberno negociaba con Bruxelas para que se lle concedera a axuda á Banca española; negociaron que teríamos que aportar o 40% dos noso aforros para a reestruturación bancaria… encima de ser enganados por eles, ter que axudarlles! É algo verdadeiramente indignante! Por riba vemos como o 60% restante o queren pasar a accións dun banco que nin sequera cotiza en bolsa, e que a día de hoxe está en números roxos, é dicir, que nos queren deixar “SEN NADA”. Por todo isto queremos promover a seguinte iniciativa nos concellos da Mariña para instar á Xunta de Galicia e o Goberno a que poñan unha solución o antes posible a este gran problema que afecta a moitos mariñáns. Dende a plataforma e despois do acordado na última asemblea do día 27 de Decembro decidimos presentar unha moción nos 16 concellos da comarca para a aprobación dos seguintes puntos que consideramos de maior interese para os afectados nestes momentos:
1º: Queremos que a vía arbitral siga existindo, e que o faga ó mesmo ritmo que antes das eleccións do 21 de Outubro . Pasaron de realizarse sobre 200 laudos diarios antes das eleccións , a verse
moi diminuído o caso de persoas chamadas para resolver o problema por esta vía actualmente.
2º: Que informen das solicitudes de arbitraxe que poda haber rexeitadas por Novagalicia Banco, a día de hoxe hai xente que ten presentada a solicitude dende fai meses e non obtén unha resposta nin favorable nin desfavorable. Isto xa está a causar desesperación, a xente necesita unha resposta para poder emprender se así o desexa outra vía, como pode ser a xudicial.
3º: Que todo aquel afectado por preferentes e subordinadas que queira
emprender a vía xudicial poda facelo acolléndose á xustiza gratuíta (independentemente da súa situación persoal)
Neste tema tamén nos vemos afectados se queremos emprender esta vía polo importante incremento de taxas aprobadas polo goberno para este novo ano.
4º: Que se derrogue o Real Decreto 24/2012 no cal se aplica a quita a este tipo de produtos e se obrigue a Novagalicia Banco a devolver o 100% doinvertido tanto en preferentes como subordinadas.
5º: Que se dea traslado a os organismos competentes (Xunta de Galicia, Goberno,Grupos Parlamentarios) dos seguintes acordos.
Dende a Plataforma mantivemos reunións cos distintos partidos políticos para darlles a coñecer esta iniciativa que vamos a levar a cabo neste mes de xaneiro coa intención de que sexa presentada a moción nos primeiros plenos que se celebren neste ano. Agardamos unha resposta favorable de todos os partidos políticos, trátase dun tema moi delicado que afecta a moitos veciños da nosa comarca.
Cristina Fernández Rey
Portavoz Plataforma Afectados Preferentes e Subordinadas da Mariña
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
