BURELA, a 8 de xaneiro do 2013
A Comisión Executiva do PSdG-PSOE de Burela na súa reunión no día de hoxe, onde analizou os presupostos da Xunta de Galicia feitos públicos en plenas festas do Nadal, parece que había interese en que pasaran inadvertidos, fai o seguinte análise do mesmo usando un símil con referencia á chegada dos Reis Magos.
A Xunta de Galicia do PP debeu de sacar a conclusión que os veciños e veciñas de Burela non nos portamos ben no ano 2012 e trouxéronnos carbón, castígannos. Dicimos isto á vista da paupérrima inversión que van a facer en Burela e na Mariña en xeral, pois entendemos o Hospital da Costa coma un ben de todos os veciños e veciñas da Mariña.
Por un lado constátase a paralización definitiva do acceso ó porto de Burela, unha obra básica para o desenrolo económico tanto de Burela como da área portuaria, onde se lle adxudican pouco máis de 240.000 euros, que ó noso entender non van a chegar nin para desbrozar a maleza que medrou dende a súa paralización, que decidiu no seu día o Sr Feijoo cando xa estaba aprobado o proxecto e prazos de execución polo goberno do Presidente Touriño, nin para reparar os problemas que causou a súa paralización. Unha constatación do pouco ou nulo peso político que ten o noso goberno municipal, por certo un proxecto que levaban no seu programa electoral, programa có que enganaron ós veciños e veciñas de Burela.
Outro dos puntos negros destes presupostos é a NON AMPLIACIÓN do Hospital da Costa, unha ampliación anunciada ata en seis ocasións en campaña electoral, a consignación presupostaria que non chega ós 50.000 euros, menos do que cobra a Conselleira do ramo. Podemos concluír que a Xunta de Galicia non aposta pola sanidade e a saúde dos cidadáns da Mariña, poñéndoa en perigo. Non contentos con todo isto tamén fan un recorte nos presupostos de funcionamento do Hospital da Costa de máis de 2.000.000 de euros.
A maiores de todo isto desaparece o Grupo Municipal de Intervención Rápida que ademais de facer un servizo próximo na axuda en emerxencias, daba traballo a un bo número de parados, demostrando deste xeito o pouco interés que ten a Xunta de Galicia no servizo ó cidadán e na creación de emprego. Aínda que o goberno de Burela usaba este servizo para a colocación de xente afín, entendemos que era unha saída laboral para algunha xente que realmente o podía precisar si non se utilizara de maneira partidista como soe facer o PP, véxase o caso do Sr Baltar en Ourense.
Como tampouco figura ningunha partida para a limpeza do encoro de Rúa que tarde ou cedo vai a traer problemas para o suministro de auga e o encarecemento do recibo da auga polo alto custe que ten o bombeo de auga dende a estación de bombeo da Senra para traer a auga dende Cervo.
Os presupostos da Xunta castigan á Mariña e dende logo o que máis nos chama a atención é a obediencia e partidismo dos cargos políticos do PP en xeral e do goberno de Burela en particular, que calan e dan por bos uns presupostos que unha vez máis discriminan á Mariña e a Burela, e demostra unha vez máis que os cargos políticos do PP son capaces de antepor os intereses do seu propio partido e da Xunta de Galicia ós interese dos veciños e veciñas, ós que representan, non sendo capaces de levantar a voz contra estes presupostos que deixan á Mariña e a Burela totalmente paralizada e con moi poucas opcións de futuro e avance tanto social como económico.
A impresión que nos queda é que tanto a Xunta de Galicia, có seu Presidente á fronte, e os cargos institucionais do PP son un fraude para os veciños e veciñas de Burela, e tanto os deputados como alcaldes e concelleiros do PP deben de darlle explicacións ós veciños e veciñas de Burela da paralización de estas dúas promesas electorais que non fai tanto que nos fixeron. O Partido Popular engana ós veciños e veciñas de Burela sen ser capaz de dar unha soa explicación ós veciños, o Partido Popular é un fraude.
Ramiro Fernández Rey Remedios López Villar
Secretario Xeral Secretaria de Organización
José Ramón Vázquez Andrade
Secretario de Sanidad
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
