O grupo municipal socialista de Foz presentou unha moción para instar á Xunta a unha modificación do proxecto de dragado do Porto

O Grupo Municipal Socialista do Concello de Foz presentou esta mañá unha MOCIÓN SOBRE MODIFICACIÓN DO PROXECTO DE DRAGADO DO PORTO DE FOZ, coa finalidade de que a Corporación Municipal acorde instar á Xunta de Galicia a unha urxente modificación do proxecto da obra de dragado do Porto de Foz, que incorpore, ademáis do dragado do canal de acceso, o dragado das dúas dársenas, a de Porto Chico e a do Muelle vello, pois soamente deste xeito se poderá conseguir o suficiente calado nas dársenas para que as embarcacións non toquen no fondo en baixamar, e solucionar os problemas existentes na actualidade no Porto de Foz .

O proxecto da obra de Dragado do canal de acceso ao Porto de Foz da conta unha vez máis da incompetencia de Portos e da Xunta de Galicia. Dende o Grupo Municipal Socialista de Foz, consideramos que a obra do Dragado do Porto de Foz é sumamente necesaria para o sector pesqueiro e turístico focense, e non debe retrasarse máis no tempo. Agora ben, o Proxecto debe contemplar, ademáis do dragado do canal de acceso ao Porto, a incorporación de dragar tamén as dúas dársenas, a de Porto Chico e a do Muelle vello, pois soamente así se poderá conseguir o suficiente calado nas dársenas para que as embarcacións non toquen no fondo en baixamar.

O Grupo Municipal Socialista de Foz pregúntase: ¿Que é o que teñen pensado facer co actual proxecto de dragado? ¿O que fixeron fai un ano? ¿Gastar máis de 200.000 euros sen conseguir solucionar o problema existente no Porto de Foz na actualidade?

En definitiva, o noso Grupo Municipal non se quere opoñer á obra de dragado do Porto de Foz, que consideramos moi urxente e necesaria, pero solicitamos que se inclúa no proxecto da obra o dragado das dársenas, a de Porto Chico e a do Muelle vello. Para iso, non é preciso que se faga un novo proxecto, pois temos coñecemento da existencia dun proxecto anterior feito pola Consellería competente na materia, no que se contemplaba o dragado das dúas dársenas.

Polo tanto, dende o Grupo Municipal Socialista solicitamos que liciten ese proxecto, no que se contemplaba o dragado das dársenas do Porto de Foz, e así conseguiremos que o que se invirta sirva para solucionar os problemas de calado existentes na actualidade no noso Porto, e non malgastaremos os fondos públicos inútilmente.