VICEPRESIDENCIA AMOSA A SÚA PREOCUPACIÓN POLA DERIVA QUE ESTÁN A SUFRIR OS SERVIZOS PÚBLICOS NA PROVINCIA
Mario Outeiro acusa á Xunta de desmantelar servizos educativos complementarios que favorecen a conciliación da vida laboral e familiar, o desenvolvemento das habilidades dos rapaces e garanten a igualdade de oportunidades
A Deputación defende os dereitos sanitarios dos lucenses e reclama para os hospitais da provincia os mesmos servizos que se prestan noutros centros sanitarios de Galiza
Lugo, 11 de xaneiro de 2013. O portavoz nacionalista na Deputación e delegado de Cultura e Turismo na institución, Mario Outeiro, expresou, durante a rolda de prensa posterior á Xunta de Goberno celebrada hoxe, a súa preocupación pola deriva na que están entrando os servizos públicos da provincia, principalmente a educación e a sanidade, consecuencia da política de recortes imposta polo Goberno da Xunta de Galiza.
Os orzamentos do Executivo galego para 2013 recollen unha diminución de máis de 800.000 euros en educación; merma que, segundo Outeiro, “repercutirá directamente na calidade da educación que recibirán os alumnos e alumnas e decreta o feche de novas unidades educativas e que máis mestres e mestras teñan que dar clase en varios centros á vez”. Dende a Vicepresidencia do ente provincial chaman a atención, tamén, sobre as consecuencias que estes recortes terán no equilibrio territorial e insisten en que os máis afectados seguirán a ser os rapaces e rapazas das zonas do interior de Galiza, xa que a xunta de Galiza seguirá primando, como xa fixo con outros servizos públicos, a área Atlántica.
Neste senso, Outeiro recordou a asfixia á que o Goberno está a someter aos colexios da Mariña lucense, cuxos directores xa denunciaron que levan tres meses sen recibir fondos para o servizo de comedor pondo en perigo a súa continuidade. “Estamos ante unha nova proba de que a Xunta non apoia servizos complementarios que facilitan a conciliación laboral e familiar, que favorecen o desenvolvemento das habilidades sociais dos rapaces e rapazas e que, ademais, contribúen a garantir a igualdade de oportunidades favorecendo o equilibrio territorial, como era o servizo de Preescolar na Casa”
O portavoz nacionalista contrastou este xeito de facer política do Partido Popular co da Vicepresidencia da Deputación de Lugo que, esta mesma mañá, amosou o seu apoio a un novo programa educativo, ‘Educando en familia’, que permitirá ofrecer un sistema educativo apropiado para a infancia que favoreza a formación integral dos nenos e nenas.
Para Outeiro a educación non é o único servizo público no que se están a notar os ataques do Goberno galego á provincia de Lugo. “Os populares están creando un sistema educativo e un sistema sanitario excluíntes, pensado só para ricos das cidades, e os lucenses, tamén teñen os mesmos dereitos sanitarios que outros galegos e polo tanto, o HULA e o Hospital da Costa deben ofrecer os mesmos servizos que prestan outros centros hospitalarios galegos. O presidente Feijóo leva anos prometendo para o HULA os servizos de radioterapia, hemodinámica e medicina nuclear e a ampliación do hospital da Costa e, sen embargo, ano tras ano a súas promesas convértense en mentiras”.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
