Mario Outeiro “a Xunta non pode deixar morrer agora por mala xestión unha iniciativa que ela mesma avalou con 9.4 millóns de euros, as súas responsabilidades directas a través do IGAPE son claras”.
Mario Outeiro cualificou a factoría de “vital para o tecido empresarial agrogandeiro lucense” e afirmou que “desde o BNG esiximos que a Xunta resolva este problema para que os gandeiros cobren polo leite entregado que se lles adebeda e se garanta a viabilidade e os empregos da factoría”.
“Segundo os últimos datos do paro rexistrado, Lugo conta con 1.200 persoas no paro no sector agrario en febreiro” lembrou Mario Outeiro.
Lugo, 5 de marzo de 2013. O responsábel comarcal do BNG en Lugo, Mario Outeiro, reclamou unha implicación manifesta da Xunta de Galiza para garantir “a viabilidade de Alimentos Lácteos tralo seu anuncio de cese de produción temporal e a súa previsión de aplicar un ERE temporal aos traballadores. Desde o BNG defendemos que a Xunta non pode deixar morrer agora por mala xestión unha iniciativa que ela mesma avalou con 9.4 millóns de euros de todas e todos os galegos”. A situación económica desta empresa foise deteriorando a cada paso malia terse achegado cuantiosos recursos públicos por parte de diferentes departamentos dependentes da Xunta de Galiza, nomeadamente o IGAPE. Esta situación crítica non pode ser de recibo cando se ten optado por este proxecto como o máis serio e viable dende a Xunta de Galiza, e neste momento a sombra do peche é unha opción a concretar en calquera intre trala paralización do envasado e o ERE, logo que o deterioro do proxecto pode precipitar a perda de clientes dun produto de boa referencia no sector alimentario.
Mario Outeiro afirmou que “desde o BNG demandamos á Xunta de Galiza a súa implicación para garantir que os gandeiros cobren polo leite que xa teñen entregado e polo que se lles adebedan grandes cantidades, que o goberno galego se poña a traballar para garantir a viabilidade e os empregos da factoría e que a Xunta se implique para que o proxecto teña futuro e continuidade para que o leite producido en Galiza xere riqueza en Galiza. A xuízo do Bloque Nacionalista Galego, manter o emprego na factoría de Outeiro de Rei e recuperar a súa actividade empresarial é fundamental para facer viable o proxecto de base cooperativa e para xerar riqueza e emprego nunha comarca de Lugo cunha importante produción leiteira e tamén para consolidar e aumentar o valor do noso sector lácteo, no camiño de conseguir un Grupo Lácteo Galego”. Por iso á vista do papel tan relevante que tivo a Xunta de Galiza na aposta pola opción de Alimentos Lácteos debe ser esta, ante a delicada situación a día de hoxe, a que actúe para garantir a continuidade da actividade, o mantemento dos postos de traballo e garantir que as e os gandeiros non se vexan prexudicados por esta situación.
Tres anos despois de comezar a súa andanza, a situación actual da empresa Alimentos Lácteos S.A. é crítica. Dunha banda é notorio o esmorecemento do proxecto de base cooperativa, pois moitas das cooperativas non están a achegar o seu leite, tanto polos impagos da materia prima, como polas continuas desavinzas co modelo de representación polo que optou Alimentos Lácteos e que tivo o beneplácito do Goberno da Xunta. Doutra banda un profundo cambio no sistema de xestión e de créditos sucedidos no derradeiro ano, polo cal non se está a inverter en materia prima, chegando a darse a situación crítica que non ter capacidade de abastecer á demanda das marcas propias, que, ate o de agora, foron o seu maior valor engadido.
Hai que lembrar que o BNG considerou no seu momento que manter a factoría de Outeiro de Rei era clave para a consecución dun grupo lácteo galego, e así o entenderon tamén as principais cooperativas agrarias de Galiza que ofreceron, no seu día, alternativas viábeis para comprar e manter activa a fábrica de Pascual se, para isto, contaban co apoio e colaboración da Xunta de Galiza, tendo en conta que o goberno galego debe impulsar aquelas accións empresariais encamiñadas a crear riqueza e emprego no noso País. Non obstante, a iniciativa que a Xunta de Galiza avalou foi a de Alimentos Lácteos fronte á outra serie de cooperativas, polo que non nos queda máis que esixir agora que sexa a Xunta de Galiza quen actúe para garantir a continuidade da actividade, o mantemento dos postos de traballo e garantir que as e os gandeiros non se vexan prexudicados por esta situación.
Mario Outeiro lembrou ademais que “a perda dos empregos directos de Alimentos Lácteos sería un novo drama para o agro lucense, que no mes de febreiro rexistra 1.232 desempregados”.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
