Burela, a 6 de marzo de 2013.- O Partido Popular de Burela saíu hoxe ó paso das declaracións feitas pola denominada plataforma en defensa da sanidade, dado que “semella que os integrantes desta plataforma ou non saben o que queren, ou defenden intereses particulares”.
O PP de Burela considera que “a estas persoas non lles vale nada, nin a ampliación do hospital, nin área de xestión así ou área de xestión de outra maneira, nin tan sequera lles valería un hospital novo se fose posible, porque é evidente que se moven por intereses políticos e porque varias persoas que compoñen a súa dirección defenden exclusivamente o seu status persoal. Teñen que explicarlle á cidadanía por qué defenden os seus status persoais”.
Segundo o PP, “o anuncio de Feijóo foi claro, ‘licitar o proxecto construtivo da ampliación do Hospital neste mes de marzo’. Se Feijóo anunciou na campaña electoral o seu compromiso co Hospital, o pasado sábado dixo que ía ‘blindar os servizos sanitarios da Mariña e do Hospital’, precisamente coa ampliación do Hospital. E isto ós señores e señoras da denominada plataforma non lles gusta. Pois nós pedímoslles que digan claramente por qué non lles gusta, porque os cidadáns está claro que si queren a ampliación do Hospital, e que o primeiro paso está dado co anuncio do Presidente da Xunta que se concretará en breve”.
No que se refire ás provocacións, “resulta evidente que os insultos con cualificativos de ‘asasino’, ‘chorizo’, e outras lindezas como lembrarse da familia de algúns asistentes ó congreso do PP, así como o lanzamento de ovos, tomates, etc., saíron de grupos de asistentes á concentración vinculados cos denominados partidos ‘progresistas’. Se a denominada plataforma fose seria, ademais de ter un servizo de orden rigoroso, e non cinco, como dixeron que tiñan, o que é unha auténtica farsa, condenaría inmediatamente tales condutas, mostra de agresividade verbal e física, e non atacaría a acción das forzas de seguridade, que se limitaron a garantir os dereitos de manifestación e de reunión”.
Ademais, desde o PP de Burela afirman que “membros da denominada plataforma estiveron calados e vivindo ben, cobrando bos soldos e traballando pouco, durante a xunta bipartita, e nada dixeron naqueles catro anos sobre a ampliación do Hospital. Resulta moi sospeitoso que agora se convertan en defensores da ampliación”.
Finalmente, “o dano á economía local foi real, o que se manifesta logo de ter falado con donos de locais de hostalería. Outra cousa é que algún destes señores sexan capaces a velo, cando son coñecidos por formar parte dos piquetes que folga tras folga se encargan de intimidar e ameazar ós comercios e bares para que pechen”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
