Mondoñedo, 7 de marzo de 2013- O Partido Popular de Mondoñedo agradece o compromiso de Medio Rural, que confirma que este ano delimitará as novas parcelas da concentración parcelaria de Sasdónigas, en Mondoñedo, sobre as que posiblemente podan traballar os novos propietarios durante o 2014.
Desta maneira, dende a Consellería de Medio Rural comprometéronse durante esta anualidade a asinar novos contratos desta concentración parcelaria, máis en concreto o replanteo dos novos predios e colocación de marcos. Esta actuación, priorizada como número un pola provincia de Lugo, suporá un investimento de 33.000 euros.
Asemade, dende o departamento da Xunta de Galicia prevén que no 2014 os novos propietarios poderán comezar a traballar as súas fincas, grazas á toma de posesión provisional das mesmas. Os populares, que explican que este trámite é dende o punto de vista práctico o máis útil, aseguran asemade que estes compromisos foron postos de manifesto polo Director Xeral de Desenvolvemento Rural, Antonio Crespo, con independencia de que se seguirá a impulsar o resto do procedemento ata a entrega dos títulos de propiedade aos seus lexítimos propietarios.
Os populares agradecen o compromiso posto de manifesto polo director xeral en resposta a unha pregunta realizada nunha comisión de Medio Rural do Parlamento de Galicia por parte do deputado autonómico, Vidal Martínez-Sierra, sobre as previsións da Consellería do Medio Rural e do Mar respecto ao impulso do proceso de concentración parcelaria de Sasdónigas, no concello de Mondoñedo.
O PP local asegura que se manterá expectante ante o cumprimento destas afirmacións co obxecto de axilizar este proceso de concentración parcelaria retrasado, entre outros motivos, dado os múltiples recursos plantexados polos propietarios que superaban os mínimos esixibles para poder continuar.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
