O Burela FS Pescados Rubén visitará a outro dos grandes de Primeira no ecuador do seu particular Tourmalet, na 19ª xornada. Juanlu debutará cos laranxas a domicilio mañá fronte ao Inter Movistar, terceiro clasificado (40 puntos), un equipo con máis de 40 títulos nacionais e internacionais no seu palmarés, unha escuadra que o adestrador laranxa coñece moi ben internamente, coa que celebrou moitas tardes de gloria (Caja Madrid, 21.00 horas).
“O obxectivo é mellorar, incluso por encima dos resultados. Temos que sentir que estamos medrando e irnos satisfeitos co partido; só así chegarán as posibilidades reais no encontro”, marcaba así Juanlu as metas inmediatas dos laranxas. “Durante esta semana insistimos en perfeccionar o sistema defensivo, en mellorar a defensa a balón parado, que foi quizais o punto máis feble en Vista Alegre” sopesou o técnico.
“O calendario complicado do rival poñeranos as cousas aínda máis difíciles” advertiu Juanlu, asegurando que os de Movistar chegarán con sede de vitoria: “A relaxación non existirá para eles; chegarán moi motivados. É un partido que non poden deixar escapar para non descolgarse dos seus rivais directos, Barcelona e ElPozo, cos que se enfrontarán nas dúas próximas xornadas. Tres puntos con eles non lles servirían de nada se antes non gañan connosco”. Esta premisa téñena moi presente no Inter. “Este venres ante Burela temos que gañar para chegar nas mellores condicións aos partidos ante o Barcelona e ElPozo. Necesitamos esa dose de confianza para afrontar estes partidos con garantías” declaraba o capitán, Luís Amado, na web do club madrileño.
O técnico laranxa regresa á que foi a súa casa entre 2001-05 e 2008-10. “Aínda que non é a primeira vez, sempre é especial e diferente chegar e saudar a moitos dos amigos que deixei alí, pero unha vez que empece, será como calquera outro encontro” explicou o estratega burelista. O desequilibrante Matamoros tamén se reencontrará co seu ex-equipo, tras incorporar o seu olfato goleador ás filas laranxas no mercado de inverno.
A única dúbida no vestiario de Juanlu será Nacho Pedraza, que arrastra molestias desde hai días que xa lle impediron participar ante o FC Barcelona. A convocatoria visitante estará integrada por Luis Amado, Álvaro, Pola, Rivillos, Batería, Gadeia, Juanjo, Borruto, Rafael, Tobe, Ortiz e Oitomeia, coa baixa de Eka.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
