A Deputación de Lugo puxo en marcha este luns na Mariña o plan Fórmate en Verde, “o programa de emprego máis ambicioso dos últimos anos na provincia”, subliñou o Presidente, pois a través desta iniciativa un milleiro de lugueses recibirá formación e asesoramento técnico personalizado para crear, reconverter ou diversificar empresas vinculadas coa produción ecolóxica e sostible. Besteiro enmarcou este ambicioso proxecto, financiado nun 80% pola Unión Europea a través do Lug02, no compromiso da Deputación co campo: “Reivindicamos o dereito a vivir no campo, e do campo, con igualdade de oportunidades, e de maneira digna e rendible”.
Nestes momentos de dificultade económica, incidiu o mandatario provincial, “temos que ver, máis que nunca e como fan outros países europeos, o campo e o medio ambiente como unha oportunidade de futuro, que xera riqueza e emprego e mantén vivos os nosos pobos, pero tamén coida o territorio, a paisaxe e o medio ambiente”.
Co programa Fórmate en Verde “consolidamos esa oportunidade de futuro”, argumentou Gómez Besteiro, potenciando ademais un sector que xa é punteiro en Lugo, como a produción ecolóxica, pois a provincia lucense está á cabeza en Galicia en volume de facturación -con 9 millóns de euros anuais- e ocupa o segundo lugar en canto a superficie. O Presidente puxo de relevo o potencial de crecemento desta actividade, indicando que a facturación experimentou un incremento anual dun 20% en Galicia dende o 2007, a comezos da crise.
As catro primeiras accións formativas
A primeira acción formativa do plan Fórmate en Verde comezou hoxe en Viveiro. Trátase cun curso presencial sobre xestión forestal sostible, ó que asisten 21 persoas, todas da Mariña, (principalmente de Viveiro, Foz, O Valadouro, O Vicedo e Xove). Gómez Besteiro mantivo un encontro cos participantes nestes curso, que ten lugar na aula da UNED, nos claustros de San Francisco da cidade do Landro. As clases continuarán ata o vindeiro30 de maio, en horario de 9:00 a 14:00.
Xunto a esta acción formativa, esta semana arrancarán outras tres:
– Dende mañá martes e ata o 20 de maio, en horario de 10:00 a 14:00 horas, terá lugar na Granxa Gayoso Castro un curso presencial de Vacún Maior Ecolóxico, con 20 persoas anotadas, a maioría da Terra Chá, pero tamén da Zona Sur e das comarcas de Lugo e A Mariña. Mañá tamén arrancará outro curso on line da mesma temática, que continuará ata o 19 de xuño e conta con 20 participantes, a metade deles da Terra Chá e os restantes da Zona Sur, A Mariña, A Montaña e a comarca de Lugo.
– Entre o mércores 20 de marzo e o 30 de abril, terá lugar un curso de Agricultura Ecolóxica de modalidade mixta, isto é, unha parte presencial, que terá lugar na Casa Sindical de Monforte, de 10:00 a 14:00 horas, e outra on line. Nesta acción formativa participan 20 persoas, todas da Zona Sur.
Toda esta información, así como a listaxe de participantes, pódese consultar na páxina web da Deputación www.deputacionlugo.org.
Máis prazas
As persoas interesadas en beneficiarse desta oportunidade de futuro poden en calquera caso seguir anotándose, pois o proxecto conta con un mínimo de 900 prazas e as seguintes accións formativas iniciaranse nas vindeiras semanas, de maneira progresiva, a medida que se vaia completando a selección e organizando os grupos. Para anotarse deben entrar en www.deputacionlugo.org escoller a actividade na que queren formarse, cubrir o formulario correspondente e envialo dende a propia web. Cada persoa só pode solicitar un curso de cada sector ofertado: gandería e agricultura ecolóxica, e xestión forestal sostible.
O programa está dirixido a desempregados, emprendedores, mozos, agricultores, gandeiros e estudantes de toda a provincia, excepto os censados no Concello de Lugo, pois son destinatarios doutros programas europeos.
Formación, práctica e asesoramento
O plan de emprego Fórmate en Verte ten tres eixos:
– Formación: que pode ser presencial, a distancia ou mixta, e impartirase entre este mes de marzo e outubro.
– Visitas prácticas a empresas xa consolidadas dos sectores agropecuario e forestal.
– E, posteriormente, asesoramento técnico especializado a tódolos participantes para crear empresas no rural vinculadas ós sectores gandeiro, agrícola e forestal. As persoas que queiran reconverter a súa explotación, diversificar a súa actividade ou ben poñer en marcha unha nova empresa, contarán con asesoramento continuo e especializado, dende a mesma concepción da idea, ata a súa saída ó mercado.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
