– Regina Polín presentou hoxe a mostra do artista Joan Queralt que se inaugura mañá ás 19:30 horas e que permanecerá na Sala de Exposicións do CENTRAD ata o 26 de maio
– A exposición está composta por 34 obras en óleo e técnica mixta coas que o pintor representa a súa persoal visión dalgunhas coñecidas pasaxes da obra de Cervantes
A Deputada de Deseño e Artesanía, Regina Polín, presentou este mércores a mostra O Quijote e os dereitos humanos, unha nova exposición que poderá ser admirada na Sala de Exposicións do Pavillón 4 do CENTRAD, onde vén de clausurarse a mostra Contando con imaxes, da ilustradora Noemí López, que motivou o interese dos lucenses, chegando a recibir ata medio milleiro de visitas.
Con motivo do Día Internacional do Libro, que se celebra o vindeiro día 23 de abril, o Centro de Artesanía e Deseño “participa na celebración desa data con esta exposición, que revisa dun xeito moi persoal este clásico universal”, tal e como destacou Polín, quen sinalou ademais que, “como vimos facendo dende hai un tempo, é un paso máis de cara a achegar o Centro de Artesanía e Deseño a lucenses e visitantes de todas as idades e de abrir estas portas a todo tipo de manifestacións artísticas”. No acto de presentación, no que tamén estivo presente o pintor Joan Queralt, a Deputada lembrou que un dos principais intereses deste artista é contribuír á educación dos máis novos en valores, promovendo o diálogo e o intercambio de ideas entre os máis novos. De feito, esta mostra ten un marcado carácter didáctico e dentro das actividades programadas haberá visitas para grupos de escolares nas que o propio artista exercerá de guía. Para participar, os responsables dos centros educativos só teñen que poñerse en contacto co CENTRAD. Ademais, estas visitas guiadas están abertas a persoas cegas ou xordomudas.
De feito, o día 23 os nenos serán os protagonistas, xa que están programadas unha serie de actividades dirixidas ós pequenos, coma lecturas ou entrega de diplomas e agasallos.
Pasaxes do Quijote
Joan Queralt Blanch, artista barcelonés, centrou a súa formación no deseño industrial, se ben dende moi novo amosou un profundo interese pola pintura. Esta actividade converteríase na súa profesión, logo de reafirmar a súa vocación artística tras a estadía en cidades coma París ou Lausana. Ó seu regreso a España, traballou coma deseñador na súa cidade de nacemento, chegando a acadar un gran nivel, avalado por recoñecementos en diversos certames.
Namorado da obra cervantina, adicou moito tempo a elaborar numerosos bocetos sobre diversas pasaxes do Quijote, nos que tentou reflectir a súa visión da loita entre o idealismo e o materialismo, presente na que é considerada polos expertos a primeira “novela” moderna. Tras catro anos de traballo, Queralt completou unha colección de lenzos que tratan episodios coma os de “Los molinos de viento”, “La aventura de Sierra Morena”, “La cueva de Montesinos”, a “Batalla de los cueros de vino” ou “Las cortes de la muerte”.
Unha destas obras recibiu o máximo galardón no Grand Prix de la Chambre de Commerce de Béziers (Francia) e outras delas foron adquiridas por museos coma o Museo Iconográfico del Quijote de Guanajuato (México) ou a Fundación Cervantina de México D.F. 34 destes lenzos poderán ser admirados a partires de mañá polos lucenses e visitantes que se acheguen ata o Centro de Artesanía e Deseño a partires deste xoves.
A mostra presentada hoxe abrirá as súas portas este xoves, ás 19:30 horas e permanecerá na Sala de Exposicións do Pavillón 4 do CENTRAD ata finais de maio. Poderá ser visitada de luns a venres, de 10:00 a 14:00 horas e de 17:00 a 20:00 horas. A entrada é totalmente gratuíta.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
