Rey Varela considera que “é xusto” recompensar á única administración pública que reduciu o seu endebedamento o pasado ano.
A Federación presenta o seu ciclo de conferencias sobre municipalismo co que conmemora os seus primeiros 25 anos de existencia.
SANTIAGO. A Comisión Executiva da Fegamp apoiou hoxe a proposta do seu presidente, o alcalde de Ferrol, José Manuel Rey Varela, para que o debate aberto sobre a relaxación dos obxectivos de déficit tamén beneficie á administración local, e non se limite á autonómica e a estatal.
Segundo estableceu o Ministerio de Facenda, os concellos deberán ter “déficit cero” para os anos 2013 e 2014, despois de que en 2012 se establecese o tope no 0,3% do PIB.
Con todo, os datos do Ministerio relativos ao ano pasado “demostran que os concellos de toda España foron a administración máis austera e responsable”, pechando o exercicio “en apenas o 0,15%”, é dicir, “a metade do que fixara o Goberno”.
Por iso, “e aproveitando que se abriu un oportuno debate sobre o financiamento autonómico, no que se dá por feito que se relaxarán obxectivos de déficit se o autoriza Bruxelas”, Rey Varela considerou que “tamén sería conveniente elevar ese déficit cero para as entidades locais en 2013 e 2104”.
“Parécenos un acto de xustiza cunha administración responsable como somos os concellos”, engadiu o rexedor ferrolán nunha rolda de prensa celebrada esta tarde na sede da Fegamp. “Merecemos o voto de confianza de que seguiremos sendo cumpridores, de que seguiremos sendo responsables”.
A preguntas dos xornalistas, José Manuel Rey estimou que a elevación do tope de déficit deberá ser “proporcional” ao que se lle permita ás restantes administracións públicas do Estado.
Mentres que o resto de administracións públicas non só non cumpriron senón que elevaron o seu déficit respecto do que estaba previsto, as entidades locais non só cumpriron, senón que rebaixaron a súa contía á metade respecto ao ano 2011, reducindo a súa débeda en 2.200 millóns de euros, segundo datos da FEMP. “Isto deixa claro unha vez máis que os concellos non somos os responsables do problema do déficit en España”, apuntou José Manuel Rey.
Conferencias para un aniversario
José Manuel Rey tamén presentou hoxe publicamente o ciclo de conferencias co que a Fegamp quere conmemorar os seus primeiros 25 anos de existencia. As xornadas, que se celebrarán en Santiago de Compostela os próximos días 26 e 27 de abril, terán por título “25 anos de municipalismo: Pasado, presente e futuro da administración local”.
“Temos a sá ambición de que sexa o foro de debate municipalista máis importante do ano en España”, sinalou Rey Varela. Nel, abordaranse os temas que máis preocupan aos alcaldes e alcaldesas de toda Galicia, para o que se contará ademais con participantes do resto de España.
“Porque só entendendo que non hai unha única realidade municipal senón que hai moitas, e ben distintas, pódese realizar un achegamento adecuado aos problemas da administración local”, explicou o tamén alcalde de Ferrol. O programa contará con dúas conferencias e catro mesas redondas nos que se abordarán asuntos tan relevantes como a reforma da lei de bases, as deputacións, as smart-cities ou os modelos municipais doutros países europeos.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
