A aula da UNED de Foz acolle a celebración dun curso sobre Seguros de 50 horas que se desenvolverá dende o 22 de abril ata o 6 de maio en horario de catro a nove da tarde. A avogada e titora da UNED de Foz, Elena Rodríguez, e o responsable do instituto FORIS, Manuel Valledor serán os encargados de impartilo curso en Foz. A matrícula pódese formalizar reservando praza no teléfono 982 133 699, a través do correo electrónico foz@lugo.uned.es ou de xeito presencial na aula universitaria de Foz (IES de Foz) ingresando posteriormente o prezo da matrícula que ascende a 30 euros ou 25 no caso de ser alumno da UNED, do instituto de Foz ou para persoas desempregadas. Os interesados tamén poden inscribirse a través de www.extensionuned.es e ingresando o importe no número de conta 2080 5152 58 3040026385 baixo o concepto do nome do curso e datos do alumno ou alumna, ademais de entregar o xustificante de pago no instituto.
Curso sobre seguros na UNED de Foz
Relacionado
-
A deputada de Cultura, Iria Castro, e o deputado de Rural, Mar e Mocidade, Daniel García, asistiron este luns en Mondoñedo á inauguración da rúa Andrea López Chao en homenaxe á mestra mindoniense, pioneira na loita polo dereito das mulleres á educación e á saúde na emigración galega en Cuba
-
A obra teatral Zozobra chega a Vilalba a través do programa “Escena Camino Norte” e a área de Cultura
-
Mariña Gueimunde, alcaldesa de Viveiro, asistiu este domingo á ofrenda á Virxe dos Remedios en Mondoñedo, un dos actos relixiosos e culturais máis relevantes da Mariña e da provincia
O encargado de dar a saída foi o alcalde, Dani Vega, que estivo acompañado pola concelleira de Igualdade, Begoña Sanjurjo, e pola presidenta de Acisa, Carmen Cruzado. Por diante 21 quilómetros de percorrido por paraxes espectaculares ata chegar á meta na praia das Catedrais. A proba desenvolveuse nunha tarde soleada e moi calorosa.
O evento está organizado pola asociación de veciños da parroquia, co apoio do Goberno galego. Arias puxo en valor o traballo do colectivo organizador para "facer medrar este evento ano tras ano, consolidándoo en soamente tres anos como unha das citas destacadas no calendario festivo da comarca".
Na xuntanza, que tivo lugar no Departamento Territorial da Xunta en Lugo, avaliouse a posibilidade de establecer vías de colaboración para mellorar as infraestruturas rurais da localidade. A maiores, estudouse a situación dos instrumentos de mobilización da terra agraria que se desenvolveron na localidade e afondouse na mellora da súa xestión forestal.
O evento comezou cunha misa na igrexa parroquial e unha actuación musical a cargo do grupo de gaitas Axóuxere de Roupar. A continuación, tivo lugar o tradicional xantar no pavillón municipal e o recoñecemento ao home e á muller de maior idade. Carmela López subliñou que “máis dun terzo do noso orzamento vai para políticas sociais: para que o Servizo de Axuda do Fogar chegue a quen o precise; para que a Teleasistencia funcione 24 horas ao día, porque a tranquilidade das familias tamén é importante; e para ofrecer residencias públicas no rural, garantindo que ninguén teña que marchar da súa terra para recibir os coidados que merece”.
