Cervo, 25 de abril de 2013-O Concello de Cervo vén de entregar unhas 200 árbores a distintas asociacións do municipio co obxectivo de continuar co proxecto municipal de recuperación do bosque autóctono característico da vertente atlántica. Así, nas últimas semanas a administración local fixo entrega de árbores á Asociación de Montes Comunais Bidueiras, que utilizou as plantas para seguir reforestando o terreo do mesmo nome, onde xa teñen realizado máis accións deste tipo.
Ao mesmo tempo, nesta semana tamén se facilitaron árbores autóctonas á Asociación de Montes Comunais de Lieiro, que foron plantadas nunha área de recreo situada na mesma parroquia e que se atopaba sen vexetación. O Concello, ademais de entregar as árbores (castiñeiros, amieiros e pradairos), colaborou en ambos casos na súa plantación.
Este proxecto municipal de repoboación ten, polo tanto, dúas vertentes, a social e a medioambiental, xa que por unha banda estanse realizando plantacións en montes co obxectivo de crear unha masa forestal autóctona que permita recuperar a paisaxe tradicional, pero ao mesmo tempo tamén se levan a cabo actuacións en zonas de lecer como é o caso da área recreativa de Lieiro.
Ao mesmo tempo hai que lembrar que o Concello estivo plantando recentemente máis de 600 árbores no monte Escarabelada, de titularidade municipal, e no que en total xa se teñen sementado máis de 4.000 plantas. Esta reforestación nos terreos situados no Conxunto Histórico Artístico de Sargadelos vaise ampliando pouco a pouco con novas iniciativas. A última no mes de marzo, no que máis de 200 escolares plantaron árbores autóctonas para celebrar o Día Internacional dos Bosques.
Hai que lembrar que nestas novas accións algunhas das árbores destínanse a repoñer aquelas plantas que non prenderon en anteriores plantacións. Todas elas foron doadas polo Servizo Provincial de Montes dependente da Consellería do Medio Rural.
Un conxunto de actuacións que forma parte dun plan de acción global de recuperación do bosque atlántico no que proliferen as árbores autóctonas. “Desde el Concello apostamos por poner en valor de nuevo y recuperar el paisaje típico de la Mariña con aquellas especies más tradicionales en la zona, dándole mucha importancia a su aspecto social y medioambiental frente al exclusivamente económico” explica a edil de Medio Ambiente, Begoña Alonso.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
