Con respecto a nota de prensa que sacou o Sr. Barcia sobre as reparacións que tiven que facer no meu piso por unha fuga de auga, demostra claramente que cando non se teñen argumentos para poder defenderse das críticas políticas. O que se pretende é desviar o tema, entrando no ámbito persoal, có único fin de desacreditar á persoa e confundir ós veciños e veciñas, esaxerando e desvirtuando a realidade. Polo que podemos observar é o modus operandi do PP de Burela.
Teño no meu poder un informe da compañía aseguradora que acredita que digo a verdade e poño esta documentación a disposición do que o necesite, aínda que é un informe privado e persoal, pon as datas, materias, e arranxo feito no que se demostra que non se fixo ningún tipo de obra senón unha reparación. Non sei se o Sr Barcia cando nos fala da obra faraónica que fixo esta concelleira ten algún papel que poida demostrar o que manifesta. ¿Acaso o Sr Barcia ten algún papel, denuncia, facturas ou contratos, que acrediten que non nos está a enganar unha vez máis?, ¿Ou é simplemente unha especulación co fin de desacreditar á Concelleira e desviar as denuncias que nós facemos apoiadas por documentación?. Gustaríame que nos amosara eses documentos, si é que os ten, senón perderá credibilidade entre os veciños e veciñas, que xa pouca lle queda.
Pero non nos desviemos, pois o tema que se trataba non era ese. A Comisión Executiva do PSOE pídelle en tres ocasións ó Concelleiro de Obras e Primeiro Tenente de Alcalde de Burela, Sr Valle, que nos de unha explicación das súas xestións. Xa que entendemos que o cargo algunha responsabilidade terá cara os veciños e veciñas de Burela, sen embargo el opta por calar a boca, e ten que ser o Sr Barcia quen saia a defendelo tentando tapar continuamente os erros e despropósitos do Sr Valle.
Recordemos a que nos referimos:
1º-Despois de case dous anos de goberno, na única obra que consegue o Concelleiro en cuestión, propón e vota na Xunta de Goberno, “que casualidade” que a citada obra pase por diante da súa vivenda particular. Igual pensa que por ser Concelleiro todos os veciños e veciñas de Burela temos a obriga de urbanizar gratuitamente as súas propiedades. Que llo explique ós propietarios da zona de Torrentes, os cales para urbanizar o seus terreos (con estradas e demais infraestruturas) tiveron que pagar o metro cadrado a prezo de ouro. ¿Non somos logo todos os veciños iguais?. A día de hoxe non deu explicacións
2º-Tamén se lle pediron explicacións no tema da proposta de multa á miña persoa por aparcar no aparcamento do Concello, cando chamou a un axente municipal para que me viñese multar sabendo que non había ningunha ordenanza que prohiba aparcar ós Concelleiros (todos por igual independentemente do partido que sexan), dentro do garaxe do Concello. Entendo que iso entre compañeiros non estibo ben, amosou a clase de persoa que é. Tampouco deu explicacións.
3º-Agora sabemos que o Concelleiro de Obras, Sr Valle, o que máis exemplo debe dar nesa área, ten a súa vivenda particular coa licenza caducada e incumpre a normativa publicitaria de urbanismo. A lei é ben clara nisto, despois de aprobarse a licenza ( haxa ou non prórrogas) esta ten unha validez de tres anos máximo para executar a obra. Ao Sr Valle concedéuselle a licenza o 09/02/2007. O Sr Valle segue a agocharse debaixo das faldas do Sr Barcia.
Non sei se o Sr Fernández Valle pertence a unha nova estirpe de políticos mudos, que convencen a poboación non coa súa oratoria, senón con unha foto con cara de tristura na prensa de cando en vez. Agora só lle queda o máis doado de facer que é cobrar a fin de mes. Dende logo o que si temos claro no PSOE é que non é un político traballador, tolerante, transparente nin democrático. Pero tamén entendemos que desprenderse de ese suculento pastel (tal e como o ten montado el) non é doado, aínda que sexa en prexuízo dos veciños e veciñas de Burela.
Remedios López Villar Comisión Executiva PSdG-PSOE
Concelleira do PSdG-PSOE Burela
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
