Burela, 26 de abril de 2013. O equipo de goberno burelés manifestou hoxe que “as explicacións da concelleira socialista Remedios López Villar son propias de alumnos de Educación Infantil, pretendendo facernos tontos a todos e rirse de todos os veciños e veciñas que cumpren coas súas obrigas de forma puntual”.
Segundo o goberno burelés, “esta señora non pediu licenza, ela mesma o recoñece, pero tiña a obriga de pedila. Para que esta señora, endiosada e ególatra, se entere, a LOUGA, a Lei do Solo de Galicia, considera como obras menores, e polo tanto suxeitas a licenza municipal, aquelas obras e instalacións de técnica simple e escasa entidade construtiva, consistindo en pequenas obras de reparación, decoración, ornato, ou cerramento que non precisan proxecto asinado. Queda claro na LOUGA que para calquera actuación, por pequena que sexa, se precisa de licenza de obra, e así o ten manifestado o propio Tribunal Supremo”.
O equipo de goberno burelés tamén engade que “a propia ordenanza municipal sanciona como infracción simple non solicitar a licenza para a realización das obras e como infracción grave a realización de obras sen licenza municipal, como é o caso desta señora. Pois ben, a infracción que puido ter cometido a Sra. López Villar pode sancionarse con multa que vai desde os 300 aos 6.000 euros e en todo caso o dous por cento do valor da obra, sexa este o que sexa, moito ou pouco”.
“É evidente que a Sra. López Villar non cumpre coas súas obrigas como veciña, o que é especialmente grave tendo en conta a súa condición de concelleira. Ademais, foi concelleira do bipartito, e algo se lle tiña que ter quedado, porque non a supoñemos absolutamente ignorante a este respecto”, indican desde o equipo de Goberno burelés.
Para o goberno local, “pode facer obras pequenas ou faraónicas, iso é cousa dela; tamén pode ter os papeis que lle pete, pero fáltalle un, o máis importante, a licenza de obra para o que fixo. Ademais, tan persoal é a reforma no piso da Sra. López Villar coma a obra do Sr. Fernández Valle. Pero hai unha diferencia, o Sr. Valle pagou relixiosamente os seus impostor e a Sra. López Villar escaqueouse e non pagou por algo polo que tiña a obriga de pagar. E iso sí que o deben saber todos os veciños e veciñas de Burela que cumpren puntualmente coas súas obrigas”.
Finalmente, pídenlle a López Villar que deixe de dar espectáculo: “non se dá conta de que está facendo o máis grande dos ridículos… ela saberá a que vén esta obsesión que lle entrou de fustrigar ó Sr. Fdez. Valle, pero desde logo así non se fai oposición”.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
