Tres mulleres resultan afortunadas no sorteo do día da nai de ACISA Ribadeo

Mª Carmen Castañeira, Ana Rodríguez e Carmen Rodríguez son as gañadoras dos 600 euros en vales de compra que ACISA sorteou esta tarde dentro da campaña do día da nai. O primeiro premio dotado con 300 euros correspondeulle a Mª Carmen Castañeira, que fixo as súas compras e depositou a súa papeleta en Chocolate Chus na rúa Reinante de Ribadeo. O segundo premio de 200 euros foi para Ana Rodríguez que fixo as súas compras en Petite Pouppe e depositou a súa papeleta na rúa Ramón González, mentres que o terceiro premio dotado con 100 euros foi para Carmen Rodríguez, que depositou o seu boleto na perruquería Carmen na rúa Doctor Moreda. Os premios seránlle entregados ás afortunadas nos locais de ACISA o vindeiro venres 10 de maio ás oito do serán.