O Partido Popular de Lugo quere poñer en valor o plan anunciado pola Xunta no día de onte e sinala que só na nosa provincia ofértanse 567.458,74 metros cadrados de solo industrial dun xeito “máis accesible, a mellor prezo e en mellores condicións de pagamento”.
Trátase, en resumidas contas de abaratar os prezos do solo, de ofrecer facilidades de pago para empresas e emprendedores naqueles parques industrias da nosa comarca con parcelas dispoñibles e que foron promovidos pola administración autonómica. A medida busca contribuír a xerar novas oportunidades de emprego e servir de pulo para a reactivación económica.
Os populares explican que na provincia de Lugo os concellos de Lugo (As Gándaras), Bóveda, Barreiros, Cervo (Cuíña), Guitiriz, Foz, Viveiro (Landrove), Lourenzá, Monterroso, Cospeito (Muimenta), O Corgo, Palas de Rei, A Pontenova, Quiroga, Vilalba, Xermade teñen de preto de 300 parcelas dispoñibles (273) cuxos futuros propietarios poden beneficiarse destes apoios.
Desde o PP lembraron as palabras do Presidente da Xunta, Alberto Núñez Feijóo, quen explicou que impulsou este paquete de medidas e apoios para que os que queiran investir en solo industrial en Galicia “saiban onde poden facelo e que, neste momento, é máis sinxelo que nunca facelo”.
Póñense así en marcha medidas distribuídas fundamentalmente en dúas liñas: realizar importantes descontos no prezo do solo e facilitar o pago, e, en segundo lugar, fomentar a colaboración con todas as administracións –fundamentalmente concellos- para vender máis solo industrial.
BONIFICACIÓNS DE ATA O 20 E 50%
En concreto, a administración autonómica impulsará –a través da empresa pública Xestur- as seguintes medidas económicas de fomento da venda de solo empresarial:
– Unha bonificación do 5 por cento do prezo da parcela para os interesados que simplemente se inscriban no rexistro de demandantes de solo industrial aberto o pasado luns no Diario Oficial de Galicia
– Descontos por pago ao contado, por volume de compra, de acordo as seguintes liñas: no caso de parques rematados hai máis de 5 anos, o desconto será de ata o 10 por cento, e cando o importe da compra supere os 500.000 haberá unha bonificación extra do 5 por cento, mentres que nas contías inferiores a esa cantidade o desconto será do 3 por cento. SE operación engloba tres ou máis parcelas, haberá un desconto adicional doutro 2 por cento.
Xunto con isto destacou que, no caso das naves e industrias emprazadas fóra de ordenación, se establecen condicións especiais para facilitar o traslado a polígonos industriais. Neste caso, sinalou, a achega dos Xestures será dun desconto do 3 por cento sobre o prezo de venda que se ven sumar aos descontos anteriores. Finalmente, avanzou que se ofrecerán parcelas singulares a baixo prezo, con descontos que oscilan entre o 5 e o 50 por cento. Polo tanto, destacou, estamos cunha batería de descontos que serán de media do 20 por cento
Ao carón destes incentivos, o Goberno galego acordadas as medidas destinadas a facilitar o pagamento do solo industrial, contemplando o aprazamento de ata en cinco anos. Ademais, Balseiro quixo subliñar que se abre a posibilidade de establecer o dereito de superficie por 30 anos prorrogables e, en terceiro lugar, se crea a oportunidade de aluguer con opción a compra.
FOMENTO DA COLABORACIÓN
Non só a Xunta pretende impulsar estes apoios a motu propio xa que logo, como explican desde o PP, ten previsto desenvolver vías de colaboración con concellos e entidades bancarias. Esta colaboración empezará polas propias consellerías de Medio Ambiente, Territorio e Infraestruturas e de Economía e Industria, que dará lugar a unha liña de subvencións a fondo perdido para a compra de superficie empresarial e rematará coa implicación daqueles concellos que queiran participar con descontos de ata o 90 por cento das taxas e impostos aos compradores e ás PEMEs locais e comarcais.
Procurarase tamén unha liña de colaboración coas entidades bancarias para facilitar o financiamento das operacións da venda de solo empresarial da comunidade autónoma.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
