A Vicepresidenta 2ª da Deputación, Lara Méndez; o presidente da Irmandade Santo Estevo, Ramón Becerra, e o secretario da mesma, Dámaso Ratoeira, presentaron nun acto que tivo lugar hoxe no Salón de Actos de San Marcos o libro “O Santo Estevo do Ermo e a súa fraga”, obra dos membros desta asociación barreirense, editada grazas á colaboración do organismo provincial. A obra distribuirase acompañada dun DVD con diverso material audiovisual, coma fotografías e vídeos do lugar, e de cuxa elaboración encargáronse os profesionais e bolseiros da Fundación TIC.
Durante a presentación, Méndez destacou a satisfacción dos responsables provinciais por ter prestado colaboración a unha iniciativa deste tipo, “mostra dos estupendos froitos que se dan cando administracións e veciños suman esforzos”. Destacou o valor desta obra, “con milleiros de datos das singularidades que fan patente o inmenso valor cultural, medioambiental e paisaxístico desta zona, unha das últimas fragas autóctonas do norte e das mellores conservadas, grazas ó labor de xentes coma os membros da Irmandade de Santo Estevo”, e subliñou a importancia “de preservar o patrimonio medioambiental dunha das nosas últimas fragas autóctonas e poñelo en valor, de xeito que aporte novos atractivos turísticos fóra da tempada de verán, capaces de xerar riqueza non só en Barreiros, senón en toda a Mariña”
Pola súa banda, tanto Ramón Becerra coma Dámaso Ratoeira reiteraron o seu agradecemento á Deputación polo apoio prestado, que fixo posible “que esta obra vira a luz”. Manifestaron a súa intención de seguir desenvolvendo todo tipo de iniciativas “para preservar e poñer en valor o lugar” e lembraron que esta fin de semana, a fraga de Santo Estevo acollerá a segunda edición do Festival Histórico Augas Santas, co que os seus organizadores pretenden aumentar o interese dos lucenses e foráneos polo entorno da Capela e a fraga de Santo Estevo.
O Santo Estevo do Ermo e a súa fraga
Os máis de vinte socios da Irmandade, partindo da obra do estudioso José María Rodríguez Díaz sobre a Capela de Santo Estevo, elaboraron un estudio sobre esta edificación e o seu entorno. Coa colaboración dos veciños e a documentación atopada en arquivos, coma o Diocesano de Mondoñedo, así de coma de expertos nos diferentes temas abordados, deron formar á obra “O Santo Estevo do Ermo e a súa fraga”, unha ampla guía dende o punto de vista medioambiental, patrimonial e etnográfico desta paraxe barreirense. Milleiros de datos sobre a flora, a fauna, as lendas da zona, ou mesmo sobre as obras de rehabilitación da Capela, acompañados de abundantes imaxes e fotografías familiares antigas, cedidos polos veciños, compoñen a obra máis cuidada e minuciosa sobre esta zona.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
