O Concello de Cervo, a través da Concellería de Deportes, reuniuse con membros das directivas dos catro clubs e sociedades deportivas do municipio para coñecer as súas necesidades e reivindicacións e, ao mesmo tempo, facerlles entrega dos cheques das axudas do ano 2013 para as entidades deportivas. Unhas subvencións coas que se repartiron 23.000 euros entre o C.D. San Ciprián, S.D. Cervo-Sargadelos, S.D. Candelaria e Asociación Deportiva Cultural San Román.
Estas axudas, financiadas ao 100% con fondos municipais, concedéronse a través dunha convocatoria pública de subvención realizada no mes de abril á que responderon as catro entidades. Unhas subvencións que teñen como obxectivo contribuír cos clubs e as sociedades deportivas do municipio “na súa promoción do deporte” explica o edil de Deportes, Luis Guillén, que participou na xuntanza e na entrega xunto ao alcalde, Alfonso Villares.
Esta iniciativa de apoio e colaboración coas entidades deportivas locais vense poñendo en marcha nos últimos anos. Para iso inclúese nos orzamentos municipais unha partida específica que permite realizar este investimento. Unhas axudas que poden destinar a sufragar gastos derivados da promoción deportiva ou da participación nos campionatos federados así como aos gastos de funcionamento, conservación, mantemento ou reparacións de instalacións e equipamentos.
Ademais, cabe destacar que o Concello xa adiantou a súa intención de manter as axudas ás entidades deportivas para o ano que vén e xa está traballando para contar cunha partida de, polo menos, un importe semellante ao deste ano para “contribuír en todo o posible con estas entidades que tanto esforzo, ilusión e dedicación lle poñen ao fomento do deporte” remata Guillén.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
