Barreiros, 27 de xuño de 2013. Todo está listo para a celebración do V Encontro no Eido Dourado que terá lugar o vindeiro 29 de xuño a partires das 20 horas. No acto daranse cita a escultura, o teatro, a poesía e a música. A francesa Coralie Yap-Chine, elexida mellor vocalista alternativa en España no 2008, protagonizará a parte musical do evento, no que tamén intervirán Najla Shami e Mini e Mero, entre outros. Este encontro suporá o inicio da quinta tempada do Eido Dourado, na praia da Pasada en Barreiros, un espazo dedicado ao arte no que poder admirar a pintura de Celso Dourado e tamén as esculturas de diversos artistas. O Eido Dourado estará aberto durante todo o verán.
O acto estará conducido pola actriz e xornalista Comba Campoy e no mesmo terá lugar a inauguración dunha escultura de Quique Guerra, feita en madeira e granito, Pepe Penabade deleitará aos presentes cun monólogo e a ribadense Silvia Murias recitará poesía. Os asistentes ao V Encontro no Eido Dourado poderán disfrutar tamén das novas obras pictóricas Celso Dourado.
A música estará moi presente no V Encontro no Eido Dourado, “a música sempre ten unha tradición forte e segundo van pasando os encontros cada vez xúntase máis xente. Fixemos unha aposta forte neste 2013 xa que vai estar por primeira vez no Eido Dourado a cantante de jazz francesa Coralie Yap-Chine, elixida mellor vocalista alternativa en España no 2008, que estará acompañada por varios músicos. Estarán, os sempre presentes Mini e Mero, a cantante de orixe palestino Najla Shami, que abriu o cuarto encontro o ano pasado, e outros que se irán sumando ao longo da tarde noite”, relatou Dourado.
No V Encontro no Eido Dourado presentarase unha bandeira da república galega, a cargo de Mini e Mero, “xa que se cumpren 82 anos da súa proclamación no concello coruñés de Ordes”. O acto, que é libre e aberto a todo o público, rematará cuns petiscos e viños da terra. Celso Dourado anima a asistir a este encontro que se desenvolverá, coma sempre, nos xardíns do Eido Dourado.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
