Representantes do PSdeG na Mariña, entre eles os deputados e voceiros do partido na comarca José Ramón Val, Lara Méndez e Alfredo Llano, anunciaron que os socialistas presentarán mocións en todos os concellos mariñáns contra a supresión de médicos de atención primaria para que os representantes do PP se manifesten sobre as decisións da Xunta co “desmantelamento” dos centros de saúde. A voceira de Cervo, Lara Méndez, esixiu asimesmo que “os responsables do PP na Mariña e na provincia, como o señor José Manuel Balseiro, teñen que facer algo máis e presionar á Xunta, non só facer o paripé nun pleno municipal e despois xogar un dobre papel no Parlamento e ante o goberno autonómico, onde realmente ten que demostrar se está a favor dos veciños”.
Nesta mesma liña, o parlamentario José Ramón Val lamentou que “xa se ve cales son as prioridades do señor Balseiro para a Mariña no Parlamento, pois preferiu levar de urxencia unha iniciativa porque o seu partido perdeu o goberno do Valadouro, que só lles interesa a eles, que esixir na Cámara que a Xunta rectifique nun tema tan grave como a eliminación de profesionais sanitarios, polo que os veciños están protestando masivamente nas rúas”.
Os socialistas, que se sumaron á manifestación veciñal convocada en San Cibrao, critican que “os plans de desmantelamento da sanidade do PP xa se cobraron a primeira vítima, o Concello de Cervo” pero este “non é un caso illado, xa que en Ribadeo levan sen cubrir máis dun ano a baixa dun facultativo e en varios municipios hai médicos a piques de xubilarse”. Por isto, esíxenlle aos responsables do goberno galego que expliquen cales son os seus plans, e se teñen pensado seguir o criterio do Goberno central de cubrir soamente o 10% das prazas dos facultativos que se xubilen, o que suporía “acabar cunha prestación sanitaria pública de calidade”. Tamén piden explicacións sobre a intención anunciada en sede parlamentaria de reducir á metade a dotación de recursos humanos dos centros de saúde do rural que teñan menos de 1.500 habitantes, “sen ter en conta nin o envellecemento poboacional nin a dispersión, o que sería un novo ataque que agravaría o problema do despoboamento”.
Desde o PSdeG pídenlle á Xunta na moción que “manteña como mínimo o mesmo número de facultativos nos centros de saúde” que existían antes da creación da Área Integrada Sanitaria, un modelo de xestión á que os socialistas se opoñen e que supón que o orzamento dos centros de atención primaria deixe de ser independente e adaptada concretamente ás necesidades dos pequenos centros de saúde, e dependa da distribución global dos fondos sanitarios para toda a provincia.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
