Santiago, 1 de xullo de 2013.- A elaboración do plan de xestión do polbo fíxose con responsabilidade e rigor para acadar a sustentabilidade do recurso e do sector. Así o explicou este mediodía en Santiago o secretario xeral do Mar, Juan Maneiro, quen incidiu en que o plan da campaña 2013-2014 se adoptou tras comprobar que a situación do polbo non é satisfactoria, tanto dende o punto de vista biolóxico como dende o da rendibilidade da pesquería. Isto fai necesario, sinalou, adoptar medidas para garantir a sustentabilidade futura, tanto do recurso coma do sector dedicado a súa explotación.
Neste sentido, o secretario xeral do Mar destacou que dende o 2010 se rexistra unha diminución na cantidade de capturas deste cefalópodo e no seu valor económico. De feito, no ano 2010 descargáronse nas lonxas máis de 3.200 toneladas de polbo. No 2011 baixaron a 2.500 toneladas e no 2012 só se pescaron 1.800.
Juan Maneiro salientou que para acadar mellor rendibilidade do recurso tanto biolóxica como económica foi necesario adoptar medidas a través do plan de xestión do polbo que teñen dous ámbitos de aplicación. Por unha banda, o control da actividade extractiva no mar e pola outra nos procesos de comercialización e transformación, xa que as cifras amosan que “non foron os anos nos que máis se pescaron os que máis valor económico se obtivo”. De feito o sector facturou máis de 16 millóns de euros en 2011 tendo pescado 800.000 quilos menos que en 2010.
Juan Maneiro citou como principais medidas do plan os precintos que deben levar as nasas para controlar o exceso destas artes no mar, os horarios de traballo -especialmente o de saída ao mar- e o establecemento dun programa de seguimento e control. Este programa, puntualizou Maneiro, incide especialmente no control do embarque de nasas e da actividade. Tamén no eido da comercialización a través do seguimento específico nos puntos de desembarco e do control na hostelería e no ámbito da transformación.
Plan dialogado co sector
En relación ao consenso do plan, Juan Maneiro, salientou que foi dialogado co sector a través de varias xuntanzas coas Federacións provinciais de confrarías. Explicou ademais que se creou un grupo de traballo na Federación Provincial de Pontevedra para analizar o plan e que, unha vez aprobado, a propia conselleira do Medio Rural e do Mar mantivo dúas reunións coa Federación Provincial da Coruña.
Sobre as modificacións propostas polo sector, Juan Maneiro, informou que as demandas fundamentadas foron aceptadas. Neste sentido, en relación á controversia suscitada pola obriga de utilizar os precintos para o control das nasas, sentenciou que a responsabilidade da administración galega é velar polo cumprimento da legalidade e que este aspecto “está fóra de toda discusión”.
Outro dos aspectos controvertidos do plan ao que se referiu Juan Maneiro foi o réxime de calamento das nasas na ría de Arousa no que incidiu que se volve á situación de “toda a vida”, á anterior aos dous últimos anos. Este cambio fixérase inicialmente atendendo a unha suxestión do sector, pero, explicou o secretario xeral de Mar, os resultados non foron satisfactorios. Ademais sinalou que este réxime de calado recolle as peculiaridades das Rías Baixas para este arte, feito que non é nada novo.
O secretario xeral lamentou os acontecementos e condutas violentas que se sucederon ao longo desta mañá e sinalou que a Consellería do Medio Rural e do Mar está a ter constancia a través de varias confrarías de coaccións en distintos portos para que a xente non saia ao mar. Citou en concreto un caso no porto de Bueu. Neste sentido, amosou o seu respecto á manifestación e ao dereito á liberdade de expresión daqueles que non están de acordo co plan, pero sempre que sexa de xeito pacífico e tamén lamentou que a aqueles que desexen exercer a actividade se lle estea impedindo.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
