Mondoñedo 13 de xullo de 2013.- Trala exitosa xuntanza mantida o venres cos veciños de Sasdónigas, a presidenta do PP de Mondoñedo anunciou que o seu partido levara á vindeira sesión plenaria unha moción instando ao rexedor, a que arranxe os problemas para que o saneamento de Sasdónigas funcione.
Elena Candia lembrou que esta obra foi posta en marcha ao abeiro do coñecido plan E, polo ano 2009-2010, e nunca chegou a funcionar, polo que o seu partido en varias sesións plenarias, formulou ao equipo de goberno varias preguntas, instando a que se correxiran as deficiencias, pero sen acadar ningún éxito ata a data.
A popular afirmou que os veciños que acudiron a xuntanza insistiron do desatino da execución de obra e pediron colaboración aos populares para que se instara ao equipo de goberno a arranxar os problemas para que o saneamento de Sasdónigas funcione e trasladáronlle á popular que fixeron instancias persoalmente ao concello, tales como solicitar a alta do servizo, pero ata a data o equipo non foi quen de solventar estos problemas.
“A situación non pode quedar así. Algúns dos veciños, en ton sarcástico afirmaron que técnicos vixían o avance do contador da luz e sorpréndense que nunca anda” afirmou a popular, quen di que o contador non anda porque non funciona o servizo.
A popular criticou que esta obra, tal coma a do entorno do seminario, é un exemplo máis, dunha construción da que non se vixiou a execución da mesma e onde os resultados con deficiencias reflicten un resultado pésimo, con diñeiro público gastado e cunha obra que non vale para nada.
Elena Candia pediu que se adopten as medidas necesarias para que de xeito urxente, esta obra pública, financiada con diñeiro publico funcione e afirmou que se sumamos estas deficiencias con outras das obras (por exemplo a do entorno do seminario) vemos que estamos ante moitos cartos mal invertidos e non xestionados e pediu que alguén aclare o acontecido.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
