A Coordinadora Nacional de Espazo Ecosocialista Galego en reunión extraordinaria celebrada en Santiago de Compostela o 15 de xullo de 2.013, valorou a situación política de emerxencia e aprobou a seguinte RESOLUCIÓN:
Xa hai tempo que son moitas as sinais que indican que o modelo político institucional saído da transición está esgotado: A falla de solucións aos grandes problemas que ten a cidadanía; os casos de institucións inservibles, como a casa real, as deputacións, ou baleiras de contido, coma o senado; o crecemento transversal dos casos de corrupción política e económica; o proceso de recorte drástico no estado de benestar; os intentos de recentralización …, levan a unha profunda indignación e desafección cada vez máis grande da cidadanía respecto da política.
Pero é neste momento de colapso da crise económica e política onde a situación de zozobra e miseria do actual modelo estase a facer máis evidente. Namentres a situación da maioría social cada día é mais difícil con cifras de desemprego, pobreza e exclusión insoportables, con recortes en ensino, pensións e dependencia, coa privatización da sanidade, con perda da vivenda por miles de cidadáns, e cun intento as portas de desmantelamento dos servizos sociais,… as elites do réxime non paran de sorprendernos con novos e cada día máis vergoñentos casos de corrupción e cobiza.
En Galicia, e ao calor dos novos datos de financiación irregular das campañas electorais do PP, faise necesaria a dimisión do goberno Feijoo. Por si todo o que sabiamos de Pablo Crespo non chegara, o PP de Galicia ten gobernado nos últimos anos grazas a cometer fraudes electorais evidentes. Namentres se escandalizaba cos ‘audis’ de Touriño ou co ‘iate’ de Quintana, Feijoo facía campaña electoral con financiación irregular.
A esquerda ten problemas para vertebrar un relato propio do que esta a ocorrer, unha axenda propia e unha alternativa crible. O caso Barcenas é un exemplo claro disto. Os novos datos do caso Barcenas e a Gurtel non se resolven cun cambio na presidencia do goberno para que se sigan aplicando as políticas que xeneran sufrimento nas persoas. Tampouco se resolven cun goberno de salvación ‘nacional’ onde un PSOE xa bastante desacreditado volva unha vez máis a facer de salvador do réxime e do goberno, nun novo pacto político das élites do vello réxime.
A única saída posible é a dimisión do goberno e a convocatoria urxente de eleccións anticipadas en clave de ‘eleccións constituíntes’ para abrir un novo proceso que dera un impulso democrático e social. Un proceso constituínte, sen tutelas, onde a cidadanía exerza a súa soberanía e sustentado sobre os piares da radicalidade democrática, republicanismo, transparencia, sustentabilidade, xustiza social, cultura de paz e plurinacionalidade .
Fronte desta situación requírense alianzas políticas e sociais amplas que permitan frear esta contraofensiva e cambiar o rumbo das cousas para avanzar na recuperación de dereitos e liberdades. Faise urxente crear as alianzas necesarias para vertebrar unha alternativa política e electoral ás actuais elites dominantes que actúan como intermediarias de poderes económicos oligopólicos que queren eliminar os dereitos d@s traballador@s e a competencia dos sectores económicos emprendedores, as chamadas clases medias. Nese senso Alternativa Galega de Esquerda debe vertebrarse, ampliarse e consolidarse políticamente e a súa vez AGE debe participar en alianzas máis amplas e plurais a nivel europeo e de estado.
Espazo Ecosocialista Galego reitera que seria necesario que AGE promova unha candidatura galega que como tal se visibilizara nas próximas eleccións europeas, no marco dunha alianza máis ampla de todas as esquerdas de ambito nacional, estatal e europeo. Ademais, as municipais do 2015, que pechan o actual ciclo político iniciado nas municipais do 2011, e que son polo tanto extraordinarias, onde o que se xoga non é so unhas cantas alcaldías, senón a apertura dun novo ciclo político sen o dominio das actuais elites.
Neste contexto o 25 de Xullo adquire unha nova dimensión pois o Dereito a Decidir convertese nunha ferramenta clave na defensa do Ben Común. A cidadanía temos dereito a decidilo todo: as relacións co Estado, a política fiscal, a política monetaria, o modelo enerxético, o dereito á saúde, a calidade do ensino, o dereito á vivenda, os dereitos sociais, a soberanía alimentar,… Espazo Ecosocialista Galego lamenta que diante dunha situación tan complexa non se dea unha unidade de acción necesaria entre a esquerda nacional. Por iso, Espazo Ecosocialista non vai a convocar un propio e chama a participar aos actos cidadás ou de outros partidos de AGE.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
