Burela, 22 de xullo de 2013. A Aula da Rede de Centros para a Modernización e Inclusión Tecnolóxica da Xunta de Galicia, Rede CeMIT, acollerá un curso de informática de Mecanografía para nenos durante agosto e outro sobre Compras seguras a través da Internet do 5 ao 9 do mesmo mes.
O curso de Mecanografía para nenos realizarase dende o xoves 1 ata o venres 30 de agosto na Aula CeMIT de Burela co fin de ensinarlles a situar as mans no teclado para escribir de forma correcta, a memorizar a situación das teclas empregando para elo o programa libre “Klavaro” e a sentarse correctamente para non sufrir lesións. O Concello de Burela impartirá esta actividade en tres horarios, o primeiro deles de 10:00 a 11:00, o segundo de 11:00 a 12:00 e o terceiro de 12:00 a 13:00 horas.
A ensinanza de Compras seguras a través da Internet durará unha semana, dende 5 ata o 9 de agosto, en horario de 9 a 10 da mañá. A Aula CeMIT de Burela pretende instruír aos asistentes a realizar as súas compras a través da internet de xeito seguro, así como a coñecer as vantaxes desta forma de compra, entre outras cousas.
Para inscribirse ou solicitar máis información sobre calquera das citadas actividades poden dirixirse á Aula CeMIT de Burela, sita na Casa da Xuventude, Rúa do Cancelo 1, a través da páxina web http://cemit.xunta.es/ ou enviar un correo electrónico ao enderezo cemit.burela@xunta.es.
Desde a Concellería de Educación lémbrase aos usuarios que poderán facer uso libre dos equipos e da internet da aula en horario de mañá de 7:45 a 10:00 e de 13:00 a 14:00 horas.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
