A Agrupación Cultural Francisco Lanza organiza varias actividades para este verán. Unha son continuidade das do ano ou anos pasados e outras son novas.
Estas propostas teñen o seu comezo os vindeiros días 30 e 31 deste mes de xullo cunha nova edición das XORNADAS DE HISTORIA LOCAL, que este ano están dedicadas ao teatro no noso concello.
Así, o primeiro día, a actriz e produtora de Barreiros Comba Campoy presentará o documental “Morreu o demo. Acabouse a peseta” un percorrido polo teatro de monicreques que, sobre todo na posguerra, foi a única oportunidade que tivo o pobo de ver teatro, ao ser obriñas que se levaban ás feiras. A barraca da familia Silvent, coa historia de Barriga Verde, tamén estivo en Ribadeo.
O segundo día, Francisco Piñeiro falará do noso teatro ao fío do seu libro Historia do teatro afeccionado na Mariña Lucense, editado no ano 2012 pola Área de Cultura da Deputación de Lugo. Logo do relatorio, o grupo de teatro da Agrupación representará a obra de Daniel Cortezón O cego, dirixida por Xosé Rico, razón pola ca estas xornadas de historia local cambian o lugar habitual e múdanse para o Teatro (rúa San Roque, 2).
“PALABRAS NO BALCÓN” Continuando o que se fixo o ano pasado con poemas de diversos autores galegos e estranxeiros, a comezos de agosto colgaranse lonas dos balcóns de casas ribadenses con poemas de Rosalía de Castro, no ano en que se conmemora a publicación de Cantares Gallegos. As persoas que camiñen por Ribadeo nos meses de agosto e setembro van poder coñecer a obra da nosa escritora a través dunha escolma de 20 textos onde se reflicte tanto a súa vea social como a íntima.
A raíz dunna colaboración coa Área de Cultura da Deputación de Lugo a Agrupación programa tamén dúas xornadas de maxia co MAGO ANTÓN: O día 5 de agosto fará microactuacións pola rúa e o día 6, ás 21.00 h no Teatro, ofrecerá o espectáculo Onde está o mago Antón?.
Estase tamén a preparar nestes momentos un novo número dos CADERNOS RIBADENSES, que sairá do prelo no outono e que está dedicado á creación literaria de autores e autoras, con publicacións anteriores ou non, de Ribadeo ou especialmente vinculados ao noso concello.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
