A Mariña, 9 de outubro de 2013.- O Partido Popular lembrou ao BNG que a Deputación de Lugo é a única das catro Deputacións de Galicia que incumpre a normativa vixente en materia social e de benestar e, moi en concreto, en relación co financiamento obrigado por lei dos servizos municipais de axuda no fogar.
Partidos da contradicción
Os populares lembran que o bipartito provincial incumpre a Lei 3/2008 de Servizos Sociais, que socialistas e nacionalistas aprobaron en 2008 durante a súa etapa de goberno na Xunta. Tanto esta lei como a normativa que a desenvolve (Decreto 99/2012) establecen a obriga de que as Deputacións acheguen os recursos suficientes para financiar nos concellos de menos de 20.000 habitantes o servizo de axuda no fogar básico (persoas dependentes) e a contratación de persoal distinto aos traballadores sociais.
Non teñen en conta aos nosos maiores nin aos dependentes
O incumprimento do Goberno bipartito provincial trae consigo importantes consecuencias negativas para os concellos da provincia de Lugo que se vén na obriga de asumir con recursos propios e a través do aumento das taxas que abonan os seus usuarios o financiamento dun servizo que a Deputación lucense está obrigada por mandato legal a soportar.
Neste senso, os populares manifestan que o vicepresidente primeiro da Deputación de Lugo e responsable do área de Benestar, Antón Veiga, coa complicidade necesaria de Gómez Besteiro, incumpren, faltan á verdade e utilizan politicamente ás persoas que máis necesitan o apoio das administracións: os nosos maiores e dependentes.
Teñen cartos, pero néganse a empregalos en benestar
Din os populares que os datos demostran que os actuais dirixentes da Deputación de Lugo son uns nefastos xestores posto que malia a que existen recursos suficientes para financiar este servizo, non son capaces de investilos. Afirma o PP que o benestar non é unha prioridade para o bipartito da Deputación que deixou no 2011 máis de 140.211 sen executar.
Manifestan os populares que nembargantes a Deputación de Lugo si destina inxentes cantidades de diñeiro para outras accións do Goberno bipartito como é o caso de gastos en publicidade e propaganda, ou en actos protocolarios. Cada unha destas partidas incrementáronse nos orzamentos para o ano en curso máis do 35% superando os 1,2 millóns de euros.
Din os populares que para os xestores da Deputación os nosos maiores non son importantes pero si outro tipo de gastos supérfluos como é a propaganda, publicidade ou actos protocolarios.
Menos do 15% do custe do servizo
Para cuantificar a falta de apoio da Deputación o PP lembra que a administración provincial deixa sen cubrir o 85% do custe do Servizo de Axuda no Fogar nos concellos da Mariña. Dos máis de 1,4 millóns que custa o servizo nesta comarca a Deputación está a pagar uns 217.000 euros, é dicir o 15%.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
