Foz, 9 de outubro de 2013. O Concello de Foz construirá sete casetas de madeira para utilizar en diversos eventos e organizará actividades para exaltar produtos do mar, como o berberecho e o chicharrón. Farao cunha subvención de 25.469 euros concedida polo Grupo de Acción Costeira (GAC) A Mariña-Ortegal para destinar a esas iniciativas durante os anos 2014 e 2015.
O primeiro tenente de alcalde e concelleiro do Mar, Pedro Fernández Manín, explicou este mércores que o Concello de Foz “ven de recibir a comunicación dunha subvención concedida polo Grupo de Acción Costeira da Mariña e Ortegal por un total de 25.469 euros. Será destinada, segundo o proxecto presentado coa solicitude, para a construción de sete casetas en madeira, porque ata agora víñamos utilizando as que nos prestaba o Concello de Lourenzá. Servirán para mercados, exposicións e outros eventos, como o Mercado de Nadal e outros similares”.
Fernández Manín engadiu que na subvención do GAC inclúese unha partida de 6.000 euros “destinada á exaltación dos produtos do mar. Ata agora facíase a Festa do Berberecho, que xa está consolidada, pero ademais este grupo de goberno quere facer actividades para exaltar o chicharrón. No concello de Foz hai moitos anos había grandes fábricas que se dedicaban única e exclusivamente ao chamado chicharrón. Entón esa partida será destinada nos anos 2014 e 2015 para, en primeiro lugar, exaltar sobre todo o chicharrón cun evento que ata agora non había en Foz. Trátase de promover produtos do mar que son tradicionais neste concello”.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
