Cervo (Lugo), 9 de outubro de 2013.- A localidade de Cervo xa dispón dun complexo residencial para persoas con enfermidade mental, o primeiro destas características da provincia de Lugo e o cuarto en toda Galicia.
A conselleira de Traballo e Benestar, Beatriz Mato, visitou este mércores estas instalacións que ofertan un total de 75 prazas e nas que o departamento autonómico investiu 670.000 euros, o 50 por cento do orzamento. A infraestrutura conta con 25 prazas na unidade residencial e disporá doutras 50 para centro ocupacional. Mato destacou que a posta en marcha deste servizo foi grazas á colaboración entre as administracións públicas, as entidades privadas e de iniciativa social.
Con respecto ao colectivo das persoas con enfermidade mental –este xoves celébrase o Día Mundial da Saúde Mental-, Mato sinalou a importancia de que conten, ademais de cunha atención desde o ámbito sanitario, tamén desde o eido social.
Neste senso, resaltou que o Goberno galego está a apostar por “un cambio radical de modelo social” e, deste xeito, explicou que se están a deseñar catro carteiras de servizos diferentes, xa que indicou que a transformación social centrará os seus esforzos na oferta de servizos personalizados para cada tipo de usuarios. “Queremos realizar un traxe a medida para as súas necesidades”, afirmou.
As catro carteiras (para persoas con dependencia, maiores ou con discapacidade que teñan autonomía, infancia e de inclusión) ampliarán e diversificarán os servizos, ao tempo que acadarán o máximo aproveitamento das infraestruturas dispoñibles en Galicia. Como exemplo de que cada carteira ofertará recursos específicos para cada colectivo, Mato asegurou que a de dependencia contará con recursos específicos para as persoas con alzhéimer, discapacidade física, intelectual, trastornos do espectro autista, parálise cerebral, dano cerebral e persoas con enfermidade mental.
Coordinación sociosanitaria
Outro dos eixos nos que está a traballar a Xunta para transformar o modelo social é na coordinación sociosanitaria.De feito, xa no ano 2009 creouse a comisión interdepartamental para establecer accións conxuntas entre as consellerías de Traballo e Benestar e Sanidade, un labor dentro do que se enmarcan a Estratexia de Cronicidade, a Comisión Interdepartamental ou o Plan Marco de Atención Sociosanitaria.
Tamén dentro desta colaboración, os dous departamentos autonómicos estableceron unhas liñas de traballo conxuntas para mellorar a atención sociosanitaria dos pacientes que presentan un trastorno mental crónico que estean en situación de discapacidade e/ou dependencia. Así, estes pacientes reciben atención dun xeito coordinado entre os ámbitos social e sanitario co obxectivo de que estas persoas tamén poidan recibir a atención social coa que contan as persoas dependentes.
Así, estas persoas, sempre e cando sexan crónicos, estean estabilizados desde o punto de vista sanitario, e se atopen internados en unidades hospitalarias de rehabilitación reciben atención nas residencias públicas dependentes da Consellería de Benestar.
Con respecto ao plan marco, a titular de Benestar destacou que basea a súa fórmula nunha segmentación axeitada da poboación en perfís para poder garantir a atención máis axeitada a cada un deles. Deste xeito, existen cinco perfís diferentes aos que vai dirixido este plan: persoas con discapacidade asociada á enfermidade mental; persoas maiores enfermas; con discapacidade física e dependencia funcional elevada; persoas con discapacidade intelectual e, por último, o colectivo de enfermos en coidados paliativos.
Por último, Mato apelou á importancia de seguir mantendo a colaboración “permanente” coas entidades de iniciativa social para a posta en marcha e mellora das infraestruturas e o desenvolvemento do novo modelo de carteiras. Neste senso, apuntou que a asociación de axuda ao enfermo mental A Mariña contou desde 2009 con preto de 800.000 euros de axuda da Consellería de Traballo e Benestar. “A cooperación con entidades resulta fundamental para o Goberno galego porque elas coñecen mellor que ninguén as súas demandas, inquedanzas e necesidades”, rematou.
Na presentación participaron o delegado territorial Javier Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
