A Mariña, 22 de outubro de 2013. A Aula de Formación do concello de Xove acollerá o próximo xoves ás sete da tarde un acto informativo organizado pola Plataforma na Defensa da Sanidade Pública da Mariña sobre a repercusión dos recortes de persoal nos centros de saúde da comarca, entre eles o de Xove que perdeu unha praza de facultativo. Dende a Plataforma constatan a desparición do Hospital da Costa dos Orzamentos da Xunta para 2014, tal como xa denunciaramos cando a Xunta aprobou o Decreto de Xestión Integrada Provincial, agora a xerencia do Hospital da Costa xa non conta con orzamento propio senón que deberá negocialo coa xerencia provincial que distribuirá fondos de acordo co seu criterio, polo que insisten en que este modelo organizativo aboca ao hospital da Costa a ser unha simple sucursal do HULA.
O hospital da Costa destaca unha vez mais por ser cabeceira nas listas de agarda do sistema sanitario público galego aínda ocultando boa parte da realidade
Aínda tendo en conta que os datos oficiais publicados polo SERGAS sobre listas de agarda, non recollen a realidade xa que ocultan as listas de agarda non estruturais daquelas persoas que se negan a ser derivadas a centros concertados por diferentes razóns, no Hospital mariñao os datos seguen a ser unha vez mais alarmantes xa que o sitúa no segundo posto do sistema público – so despois do CHUVI – en atención cirúrxica e no terceiro en primeiras consultas – por detrás do CHUVI e o Arquitecto Marcide. O Hospital da Costa, sempre tendo en conta datos oficiais que agochan a realidade, sitúase en 12,1 días por riba da media galega en agardas cirúrxicas e 23 días por riba da media do EOXI provincial. Igualmente para primeiras consultas supérase a media galega en 5, 3 días e en 4,2 o EOXI provincial.
Por primeira vez na súa historia o Hospital da Costa desaparece do orzamento da Xunta e a xerencia mariñá deberá ser negociar co xerente do HULA que comparte coa Xerencia da Area de Xestión Provincial
O hospital da Costa desaparece dos orzamentos da Xunta por primeira vez na historia como consecuencia da creación da Area de Xestión Integrada, por primeira vez na historia o centro mariñao pasa a ter unha dependencia absoluta de decisión tomadas a cen quilómetros de distancia xa que deberá negociar e aterse aos criterios de reparto orzamentario que decida a xerencia do HULA que barrerá para a casa e continuará aplicando recortes non só na asistencia especializada que presta o Hospital da Costa, tamén na asistencia primaria.
O Sr. Feijoo e o PP volven traizoar á Mariña coa necesaria ampliación do Hospital mariñao que perde atendendo á explicacións dos seus acólitos mariñaos a súa condición de Hospital para pasar a ser un centro de saúde
Para a Plataforma tanto o Sr. Feijoo como o PP de Lugo volven traizoar á xente da Mariña dilatando no tempo os prazos de ampliación do Hospital, dende a Plataforma dubidan que o goberno do Sr. Feijoo vaia iniciar as obras neste mandato xa que tanto o presidente como os seus mandados na comarca e na provincia están mais pendentes de vender fume e propaganda que de acelerar os trámites administrativos e orzamentarios para a súa execución. Mentres tanto, o proceso de degradación da asistencia sanitaria na Mariña segue degradándose coa perda de servizos, masivas derivacións a outros centros sanitarios, recortes no orzamento e persoal, etc.
A Plataforma ironizou coas explicacións ofrecidas polos mandados do Sr. Feijoo en relación á inexistencia de partidas económicas para a prometida ampliación do Hospital da Costa, as explicacións destes Srs. non son cribles e moito menos as súas formas triunfalistas, tanto é así que agora o Hospital da Costa xa non é un hospital senón que oficialmente xa ten a condición de centro de saúde.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
